Бу қизиқ! "Ливерпуль" истеъдоди 16 дақиқада 2 та қизил карточка олди

Бу баҳсда ёш ярим ҳимоячи Амара Налло учун тарихий ва унутилмас лаҳза рўй берди. 18 ёшли футболчи 67-дақиқада мураббий Арне Слот томонидан Алексис Мак Аллистер ўрнига майдонга туширилди. Бироқ атиги 12 дақиқадан сўнг у Жастин Девеннига нисбатан қўполлик қилгани учун тўғридан-тўғри қизил карточка олди. Бу тўқнашув Наллонинг четлатилишига олиб келди ва у майдонни умидсизлик билан тарк этди.

Эътиборга молик жиҳати, бу Наллонинг "Ливерпуль" сафидаги дастлабки икки ўйинида кетма-кет иккинчи марта майдондан четлатилиши эди. Январь ойида Чемпионлар Лигаси ўйинида асосий жамоа сафида дебют қилган ёш футболчи ПСВ билан ўйинда (2:3) атиги 4 дақиқа ичида майдондан четлатилганди. Ўша пайтда мураббий Арне Слот бу қарорни "Налло учун шафқатсиз лаҳза", деб атаган эди. 

Налло ҳозиргача "Ливерпуль" таркибида атиги 16 дақиқа ўйнади, аммо икки марта қизил карточкага лойиқ кўрилди — бу футболда кам учрайдиган статистика.