"Навбаҳор": Тайёргарлик давом этмоқда

Айни пайтда таркибдаги барча футболчилар машғулотларда тўлиқ куч билан қатнашишмоқда. Бундан бироз вақт олдин жамоамиз аъзолари бугунги кунга режалаштирилган машғулотни якунига етказишди. Машғулот давомида футболчилар асосан тўп билан боғлиқ машқларни бажаришди. Чемпионат бошланиши арафасида жамоамиз сафига қўшилган украиналик футболчи Владислав Павленко кеча тиббий кўрикдан ўтиш учун Тошкентга кетганди. Шифокорлар кўригидан муваффақиятли тарзда ўтган Павленко ҳам бугун машғулотда қатнашди. Яна бир легонер Хюнйеон Чой масаласи ҳам бугун ҳал бўлиши керак эди. Футболчи дастлабки тиббий кўрикдан ўта олмаганлиги сабабли, шифокорлар Чойни чуқурлаштирилган тиббий кўрикдан ўтказишмоқда. Кореялик футболчи бугун яна бир бор текширувдан ўтди. Таҳлил хулосалари эса ҳозирча тақдим этилганича йўқ.

Эслатиб ўтамиз, Фарғонадаги “Истиқлол” ўйингоҳида бўлиб ўтадиган “водий дерби”си 12 март куни соат 17.00да бошланади. Ёшлар биринчилигидан ўрин олган учрашув эса эртага Киргулидаги “Нефтчи” футбол клуби қароргоҳи майдонида соат 16.00да бошланади.