Меҳрибонлик уйи тарбияланувчиларидан иборат Ўзбекистон терма жамоаси Туркияда йиғин ўтказади
14 feb 2019 14:23
News

Меҳрибонлик уйи тарбияланувчиларидан иборат Ўзбекистон терма жамоаси Туркияда йиғин ўтказади

Жорий йилнинг 12-14 июль кунлари Польша пойтахти Варшава шаҳрида Меҳрибонлик уйлари тарбияланувчилари ўртасида Жаҳон кубоги бўлиб ўтади.

Ҳисоб бўйича 7-Жаҳон кубогида Ўзбекистон терма жамоаси ҳам илк бор иштирок этади. Бу мусобақага муносиб тайёргарлик этиш мақсадида ЎФА ва Халқ таълими вазирлиги ҳамкорлигида 1 февралдан терма жамоа аъзолари бўлган ёшлар Тошкентда 23-сонли Меҳрибонлик уйида ўқув-йиғин машғулотларига киришишган.

ЎФА томонидан мусобақага муносиб тайёргарлик кўриш учун барча шарт шароитлар яратиб берилмоқда. Февраль ойининг охирги 10 кунлигида йиғин Туркия давлатида давом эттириши режалаштирилган.