Мансур Саидов: “Йигитлар “Локомотив” билан ўйиннинг қиймати юқори эканлигини тушуниб турибди”

Ёши улуғ отахон ишқибоз Саидов томон савол берар экан жумладан шундай деди: - Мансур жамоада сен билан Акмал Холматовни ўрни катта. Жамоамизнинг ўйини кўпинча шу икки футболчига боғлиқлигини биламиз. “Локомотив” билан ўйин 3 очко эмас балки, 30 очколик деса ҳам бўлади. Ғалабага умид қилсак бўладими?

- Албатта. Навбатдаги баҳс қийин кечади. Лекин биз ўз мухлисларимиз қаршисида ўйнаймиз. Сизларнинг қўллаб-қувватлашларинг жуда муҳим. Йигитлар астойдил ҳозирлик кўрмоқда. “Локомотив” билан ўйиннинг қиймати юқори. Буни жуда яхши биламиз. Ўз майдонимизда мухлисларни ғалаба билан хурсанд қилишга бор кучни берамиз – дейди Мансур Саидов.

Эслатиб ўтамиз, Мансур Саидов олий лиганинг 15-туридан сўнг икки ўйинга дисквалификация қилинганди. Шу боис у эртанги баҳсда ҳам жамоасига ёрдам бера олмайди.