"Манчестер Юнайтед" Моуриньога 65 млн фунтлик янги шартнома таклиф қилди
12 oct 2017 14:42
News

"Манчестер Юнайтед" Моуриньога 65 млн фунтлик янги шартнома таклиф қилди

"Манчестер Юнайтед" бош мураббийи Жозе Моуриньонинг клубдаги келажагини мустаҳкамламоқчи.

Клуб мураббийга 5 йилга мўлжалланган 65 миллион фунтлик шартнома таклиф қилди.

Ҳозир, Моуриньо "Манчестер Сити"даги ҳамкасби Хосеп Гвардиола сингари дунёдаги энг кўп маош олувчи мураббий ҳисобланади. Уларнинг ҳар бири ҳафтасига 250 минг фунт олишади.

"The Sun" нашрининг хабар беришича, янги шартнома бўйича Жозенинг маоши тахминан эски ҳолича қолади, лекин 54 ёшли португалиялик қўлга киритилган совринлар ва Премьер-лигадаги юқори ўринга қараб катта бонуслар олиши кўзда тутилган. Айни пайтда томонлар сўнгги масалаларни муҳокама қилишмоқда.