Latest news

12:17Артета: "Чемпионлик пойгасидаги вазият 3 ой аввал қандай бўлса, ўшандайлигича қолмоқда"  0 11:54"FourFourTwo" жаҳон футболидаги энг яхши марказий ҳимоячилар рўйхатини эълон қилди  7 11:33Салоҳ: "Мухлислар доим ёдда тутишини истардим, мен улар учун боримни бердим"  2 11:00Шомуродовнинг триумфи: А Серияда 26-тур якунлари  0 10:53«Рома»ни янги мавсумда бошқаришга асосий даъвогар маълум  11 10:22"Манчестер Сити" ҳимоячиси расман қанча муддатга сафдан чиққани маълум қилинди  2 09:56Sofascore. Шукуров энг катта баҳолардан бирини олди  2 08:53ЦСКА аргентиналик футболчини сотиб олишга яқин  1 08:22Артём Довбикнинг ҳолати ҳақида маълумот берилди  3 07:47Раньери энди Шомуродов асосий ҳужумчими деган саволга жавоб берди  7 07:23Sofascore. Ҳусанов ва унинг шериклари «Тоттенхэм»га қарши учрашувда қандай баҳо олишди?  9 04:01Пеп Гвардиола "Тоттенхэм"га қарши ўйиндан кейин Ҳусанов ҳақида жуда илиқ фикрлар билдирди  27 03:50Яқиндагина ЕЧЛни тарк этган "Ювентус" энди Италия кубоги билан ҳам хайрлашди  6 03:25Испания кубоги. "Реал Мадрид" ярим финалнинг илк баҳсида "Реал Сосьедад"ни кичик ҳисобда мағлуб қилди   36 03:20АПЛ. "Ливерпуль" ўз уйида "Ньюкасл"ни мағлуб этди ва жадвалдаги етакчилигини янада мустаҳкамлади  13

“Локомотив” футболчилари меҳрибонлик уйи тарбияланувчилари билан учрашди ФОТО News

“Локомотив” футболчилари меҳрибонлик уйи тарбияланувчилари билан учрашди ФОТО

Хабарингиз бор, 2016 йил юртимизда “Соғлом она ва бола йили” деб эълон қилинган. Ушбу давлат дастурига кўра кенг кўламли ишлар олиб борилмоқда.

Шу жумладан, “Ўзбекистон Темир Йўллари" Акциядорлик Жамияти ва “Локомотив” футбол клуби ҳам бунга ўзининг кичик ҳиссани қўшиш мақсадида бир қатор тадбирлар ўтказиб келмоқда.

Кеча “Локомотив” футбол клуби ташаббуси билан пойтахтимиздаги 23-меҳрибонлик уйида учрашув ташкил қилинди. Унга “Темирйўлчилар” жамоаси раҳбарияти ва футболчилари ташриф буюришди. Учрашув аввалида “Локомотив” жамоаси сардори Темур Кападзе сўзга чиқиб, меҳрибонлик уйи тарбияланувчиларига клуб ва футболчилар ҳақида маълумот берди. Сўнг болажонлар ўзлари севган футболчиларга ўзларини қизиқтирган саволлар билан мурожаат қилишди. Суҳбат давомида Ислом Тўхтаҳўжаев, Сервер Жепаров ҳамда Игнатий Нестеров каби ўйинчилар катта футболга қай тариқа кириб келганликлари, муҳим учрашув ва мусобақалар олдидан қандай тайёргарлик олиб боришлари ҳамда ёш болаларнинг ўзлари каби машҳур спортчи бўлиб етишиш учун нималар қилишлари лозимлиги ҳақида гапириб ўтишди.

Учрашув сўнггида “Локомотив” аъзолари меҳрибонлик уйи тарбияланувчиларига турли хил совға-салом ва спорт анжомларини тақдим қилишди. Шунингдек, ширингина болажонлар ўзлари ҳавас қиладиган футболчилар билан эсдалик учун суратга тушиш имконига эга бўлишди. Меҳрибонлик уйи раҳбарияти ва тарбияланувчилари “Ўзбекистон Темир Йўллари” Акционерлик компанияси ҳамда “Локомотив” футбол клубига омад тиладилар. Ушбу ташриф сабабчиларидан бири меҳрибонлик уйи жисмоний тайёргарлик бўйича инструктори Жамшид Асадов бўлди.

Биласиз, ўзбек халқи азалдан болажон халқ. Бизнинг келажагимиз бўлмиш болажонларни ҳар томонлама қўллаб-қувватлаш халқимизнинг энг ажойиб фазилатларидан бири. “Локомотив” футбол клуби бу каби тадбир ва учрашувлар ташкил этишда давом этади. Зеро, бундай тадбирлардан мақсад фарзандларимизнинг келажакда Ватанимиз шарафини ҳимоя қиладиган, байроғини ҳалқаро майдонларда юқорига кўтарадиган инсонлар бўлиб етишишида оз бўлса ҳам улуш қўшишдир.


Rating: +9   

Comments

championat.asia
< show latest news
Яндекс.Метрика