Latest news

21:10Мираброр Усмонов Кубоги-2025. Ўзбекистон U-23 - Япония U-23 0:1  8 20:56ПСЖ Доннарумма борасида "Челси", "Галатасарой" ва бошқа клублар таклифларини кўриб чиқишга тайёр  2 19:57"Локомотив" Тожикистон жамоасидан енгилди  1 19:43"Эвертон" Кубога қизиқиб қолди  0 19:19Жака АПЛга қайтмоқда   1 18:39Гвардиола "Барселона"га қайтадими?  9 18:13АПЛ топ-клублари "Ал Ҳилол" ҳужумчисига даъвогарлик қилмоқда  2 17:36"Тоттенхэм" ва "Барселона" "Арсенал" ҳужумчисига қизиқмоқда  3 17:08"Вест Хэм" "Манчестер Юнайтед"дан япониялик дарвозабонни илиб кетмоқчи  4 16:40Де Лигт: "Манчестер Юнайтед" учун ўтган мавсум ўтмишда қолди"  0 16:13"Реал" Винисиус Жуниорга ўринбосар топди – АПЛ юлдузи устувор вариант  4 15:45Breaking! "Ливерпуль" Исак билан келишувга эришди  21 15:22ЦСКА ҳимоячиси: "Туркия чемпионати Файзуллаев учун ЖЧ олдидан трамплин бўлади"  9 14:55Суперлига қайтмоқда! 16-тур ўйинларига ҳакамлар тайинланди  6 14:34Расман: Бахтиёр Зайнутдинов – "Динамо М" футболчиси  1

ПФЛ: Кейинги йил шартномалар масаласи жиддий назоратда бўлади News

ПФЛ: Кейинги йил шартномалар масаласи жиддий назоратда бўлади

Tags :  ПФЛ
Профессионал футбол лигаси 2019 йилги мавсум учун клубларни лицензиялаш талабларига жиддий эътибор қаратади.

Бунда ташкилот биринчи навбатда клубларнинг футболчи ва мураббийлар билан тузиладиган шартномаларига ўз эътиборини қаратади.

Йиллар давомида айрим клублар бош мураббийни истеъфога чиқарса, унинг ортидан бир қатор футболчилар ҳам жамоани тарк этиб келган. Клублар футболчилар билан шартномалар масаласига жиддий эътибор қаратмаган. Айрим ҳолатларда футболчилар клубдан ўз ҳақларини ола билмаган, баъзида эса аксинча, футболчилар ўзбошимчалик билан клубларни тарк этган. Шу йилнинг ўзида ПФЛ бу каби юздан зиёд можароли вазиятларни ўрганиб чиқишга мажбур бўлди.

2019 йилдан бу каби ишларга барҳам берилади. Шартномалар тузишда мураббий таъсир кучига эга бўлиши мумкин, бироқ унинг бекор бўлиши, ўзгариши, молиявий томонлари ёки мураббийнинг чекига тушмайдиган бошқа бандларига улар аралашмайди, мураббийлар ўз функциялари учун жавоб беради. Шу мақсадда ПФЛ давлат корхоналари, ҳокимликлар ва давлат улуши бўлган компаниялар томонидан молиялаштириладиган футбол клубларига ФИФА талаблари асосида ишлаб чиқилган бир хил кўринишдаги шартномалар тарқатади. Клубларнинг футболчи ва мураббийлар билан тузилаётган шартномалари қанчага мўлжал қилингани борасидаги маълумотлар барча учун очиқ бўлади. Шартномаларнинг бузилиш ҳолатлари ПФЛ томонидан жиддий назорат қилинади.  

Ундан аввал эса ПФЛ клублари учун мазкур масала юзасидан семинар ўтказилади. Маълумки, ҳар йили янги қоидалар, низомлар амалиётга тадбиқ этилмоқда. Замонавий футболнинг ўсиши билан биргаликда, унинг атрофидаги юридик жиҳатлар ҳам мос равишда илдамламоқда.

Профессионал клублар ҳамда футболчилар ўртасида тузилган меҳнат шартномалари ҳар доим ҳам футбол қоидалари ва нормативларига тўла жавоб беравермаслигидан келиб чиқиб, мавжуд муаммоларни бартараф этиш, ўзбек футболида юридик талаб-қоидаларнинг устуворлигини таъминлаш, ҳуқуқий базанинг ишлашига эришиш мақсадида ЎФА томонидан 18 ноябрь куни махсус семинар ташкил этилади.  

Семинарда Суперлига ва Про-лига клубларининг спорт директорлари, лицензиялаштириш бўйича менежерлар иштирок этиб, соҳадаги сўнгги янгиликлар билан яқиндан танишиш имконига эга бўлишади. ЎФА биринчи вице-президенти Умид Аҳмаджонов топшириғи билан ташкилотнинг хавфсизлик масалалари бўйича бўлими мутахассислари Санъат Шарипов билан биргаликда сентябрь ойида Москвада бўлиб, юқоридаги масала бўйича бир қатор учрашувлар ўтказганди. 18 ноябрь кунги семинарда эндиликда Россия футбол иттифоқининг ҳуқуқий масалалар бўйича масъул шахслари маъруза ўқийди. Бу орқали мутахассисларда семинар мавзу ва моҳиятини тушунишда тил борасида муаммо бўлмайди.

Rating: -3   

Comments

championat.asia
< show latest news
Яндекс.Метрика