Latest news

17:22"Рома"да апрель ойининг энг яхши футболчиси аниқланмоқда: Элдор Шомуродов даъвогарлар қаторида  3 16:56Ҳаммаси жиддий: Рюдигер жароҳати туфайли фаолиятини якунлаши мумкин  1 16:33"Манчестер Сити" икки кунда иккита ўйин ўтказади. Қандай қилиб?  7 16:26Родри тўлиқ машғулотларга қайтди  0 15:59Чин инсонийлик намунаси: Грилиш онасини йўқотган оилага ёрдам берди ва мухлисларга мурожаат қилди  1 15:35"Реал" собиқ устози Қатар терма жамоаси бош мураббийи лавозимига тайинланди  10 15:12Мухлислар билан тўлган, "Навбаҳор" "Оқ-тепа" устидан минимал ғалабага эришган ўйиндан ГАЛЕРЕЯ  3 14:46"Шўртан" Ғузорда бир киши кам қолган "Олимпик"ни йирик ҳисобда доғда қолдирган ўйиндан ГАЛЕРЕЯ  0 14:29Салиба "Арсенал"нинг ПСЖдан учралган мағлубиятига баҳо берди  4 14:06Осиё чемпиони бўлган Ўзбекистон U-17 терма жамоаси Тошкентда йиғин ўтказади  5 13:34Руни: "Умид қиламанки, "Арсенал" ЕЧЛда ғалаба қозонади. Бунинг учун ишонч ва сабр керак"  3 13:05Погба ЖЧ-2026да ўйнамоқчи  0 12:39"Нефтчи" "ФарДУ"ни ишончли ҳисобда ютган ўйиндан ГАЛЕРЕЯ  1 12:18Роналду ва Месси бир вақтда Чемпионлар Лигасидан чиқиб кетди  12 11:50Футзал бўйича Ўзбекистон аёллар терма жамоаси Осиё Кубогига жўнаб кетди  0

"Кейинги мавсумдаги "Аталанта" менинг энг зўр жамоам бўлади" News

"Кейинги мавсумдаги "Аталанта" менинг энг зўр жамоам бўлади"

Жан Пьеро Гасперини GdS вакили билан интервью чоғида нега "Аталанта"да қолишга қарор қилганини айтиб берди.

"Мавсум аввалида, қийинчиликлар бизни ўраб олган бир паллада, мен футболчиларимдан доскага мавсум учун мақсадимизни ёзишни сўрадим. Ҳеч ким "Чемпионлар Лигаси" деб ёзмади. Бир неча ёш ва келажакка умид билан боқадиган йигитлар "Европа Лигаси" деди. Кўпчилик – "Қийинчиликларни енгиб ўтиш", Иличич эса – "Қуйи дивизионга тушиб кетмаслик" деб ёзди.

"Менга кўплаб клублардан таклиф бўлди, ҳаттоки бошқа давлатлардан ҳам. Лекин барчасига бирлек, клуб президенти билан гаплашгачгина жавоб бера олишимни айтдим. Нима ҳақида гаплашдик? Биринчи навбатда у менга ҳеч ким кетмаслигини ваъда қилди. Шундай экан, ҳавотир олманг "Аталанта" сотилмайди.

Вазият фақат жуда катта рақамлар бўлсагина ўзгариши мумкин. Сабаби, шунда биз кетган футболчи ўрнига ўринбосар топа оламиз. Ҳужум чизиғини кучайтириш зарур: ярим ҳимояда тўп тепаётганларни алмаштира оладиган, ўрнини боса оладиган футболчи даркор. (Агар Пашалич сотиб олинмаса, унда 2та янги футболчи сотиб олиш керак). Мен Чемпионлар Лигасига тайёр 3-4 футболчига умид қиляпман. Июль ойи ўрталарида бошланадиган йиғингача таркибни аниқлаб, тўплаб олишимиз зарур. Шундагина мавсумни омадли бошлай оламиз.

Менга гранд жамоа керак эмас, шундоқ ҳам гранд клубдаман. Бизнинг президендек жонкуяр, футбол ишқибозини топиш қийин. Мен "Аталанта" ва мухлисларни Чемпионлар Лигасидан аввал ташлаб кета олмасдим. 

2016 йил дастлабки беш ўйиннинг 4тасида мағлуб бўлдик. Ўша пайтлар уйим олдида бир киши мени тўхтатди: "Менга ғояларингиз ёқди. Ишончим комил, ҳаммаси яхши бўлади". Кейинги учрашувда "Кротоне"ни енгдик. У мени ўз уйига кечки овқатга таклиф қилди. Ўша вақтлар Бергамода ҳеч кимни танимасдим. Кечки овқатга ажойиб ризотто (италияликлар овқати) тановвул қилдик. Ҳозир Паоло – менинг энг яхши дўстларимдан бири. Ризоттодан - ризоттогача ва мана биз Чемпионлар Лигасидамиз… Бутун шаҳар мени қўллаб-қувватламоқда. Бундай атмосферани ҳеч қаердан топа олмайсиз. Бу катта бир оила! 

Мен ҳақиқий чемпионларни шуғуллантирганман: Тиаго Мотта ва Диего Милито. Лекин ишончим комил, кейинги мавсумдаги "Аталанта" менинг энг зўр жамоам бўлади. Иличич – жамоадаги ягона футболчи. Қайси жиҳатдан дейсизми?! Фақатгина унга захирада қолиш ёқади. "Сассуоло" билан ўйинда унга танаффусдан кейин майдонга тушишини айтдим. У ҳудди мен унинг катта бир кредитини тўлаб бергандек хурсанд бўлди. Кейин у майдонга тушди ва учта гол урди".


Нозима Зарипова таржимаси

Rating: +12   

Comments

championat.asia
< show latest news
Яндекс.Метрика