Камолиддин Мурзоев: "Навбаҳор"нинг Лукич ва Ибрагимовдан ҳам каттагина қарзи бор"
20 jul 2020 22:46
News

Камолиддин Мурзоев: "Навбаҳор"нинг Лукич ва Ибрагимовдан ҳам каттагина қарзи бор"

Ўзбекистон Проффессионал футболчилар уюшмаси раҳбари Камолиддин Мурзоев "Навбаҳор"даги муаммолар ҳали тугамаганини маълум қилди.

"Клубнинг 2019 йил "Лочинлар" сафида ўйнаган сербиялик Славко Лукич ва ўзбекистонлик Азиз Ибрагимовдан ҳам каттагина қарзлари бор.

Лукичга 67 миллион, Ибрагимовга эса 125 миллион сўм тўланиши керак. Клубга анчадан буён бир неча бор мурожаат қилинди. Ҳозиргача вазият ижобий томонга ўзгармаяпти. Уларнинг иши билан ҳам машҳур SILA компанияси шуғулланишни бошлаган ва яқин орада ФИФАдан "Навбаҳор"га навбатдаги хат келади", - дейди Мурзоев championat.asia сайтига.

Маълумот учун, 2019 йил "Навбаҳор"да ёрдамчи мураббий бўлиб ишлаган Александр Беленков борасида хабар чиққанди. Унга кўра "Лочинлар" 30 кун ичида Беленковга 520 минг АҚШ доллари (тахминан 5 миллиард 300 миллион сўм) тўлаши шарт, акс ҳолда ФИФА трансферларни амалга оширишга тақиқ қўйиш, очколар олиб ташлаш ва қуйи лигага тушириб юбориш каби санкциялар қўллаши мумкин.

Link :

Source : championat.asia

Receive latest football news directly on your phone. Subscribe for our Telegram channel!

Rating: -42