Жон Стоунз: "Олдинда яна 90 дақиқа бор ва биз вазиятни ўз фойдамизга тўғрилашимиз мумкин"

"Ўйиннинг сўнгги дақиқаларигача устунликни сақлаб турганимизга қарамай, икки вазиятда гол ўтказиб юборганимиз ҳаммамизни хафа қилди. Ҳимоячи сифатида бундай натижа, айниқса, мени кўпроқ ачинтиради. Шубҳасиз, учрашувларни яхшироқ тарзда якунига етказишимиз керак. Қийин вазиятларда ўзимизни кўрсатишимиз лозим.

"Бернабеу"га 2:1 ҳисобида устунлик билан бориш имкониятимиз бор эди, энди эса у ерда тафовутни тенглаштириш учун гол уришимиз талаб этилади. Ҳали ҳаммаси ҳал бўлгани йўқ; гарчи қийин бўлса-да ижобий кайфиятда қолишимиз керак.

Ўйинни қандай бошлаганимизга эътибор беринг, устунлик бизда эди. "Реал Мадрид"нинг иккинчи бўлимда ўйинни кучайтиришини билар эдик ва улар шундай қилишди ҳам. Юз берган воқеаларнинг олдини олиш мумкин эди, бунинг учун яхшироқ ўйин кўрсатишимиз керак эди. Эндиликда ижобий фикрлашда давом этишимиз ва олдинга қараб интилишимиз лозим. Олдинда яна 90 дақиқа бор ва биз вазиятни ўз фойдамизга тўғрилашимиз мумкин".