Италия ОАВ: "Женоа" - "Лацио" ўйинининг энг яхши футболчиси - Элдор Шомуродов!
04 jan 2021 18:54
News

Италия ОАВ: "Женоа" - "Лацио" ўйинининг энг яхши футболчиси - Элдор Шомуродов!

Генуяликлар ҳужумчиси Элдор Шомуродов Италия А Серияси 15-тур доирасидаги "Женоа" - "Лацио" ўйинининг энг яхши футболчиси деб топилди.

Ўзбекистон форварди иккинчи тайм бошида захирадан майдонга тушди ва 58-дақиқада катта масофани босиб ўтди ва "Лацио"нинг бир ўйинчисини алдаб, ажойиб голли узатма (гол муаллифи - Дестро)ни ижро этди.

Италиянинг етакчи нашри La Gazzetta dello Sport эса Шомуродовга барча ўйинчилардан юқори балл қўйди - 7,0.

"Ўзбекистонлик футболчи жамоа ўйинини ўзгартириб юборди. У ўз жамоасининг ярим майдонида тўпни эгаллаб олди ва охир-оқибат голли ҳужумни ташкил этди", - дейилади итальян нашри хабарида.

Шу билан бирга меҳмонлар таркибидаги энг фойдали ўйинчи деб "Олтин бутса"нинг амалдаги соҳиби Чиро Иммобиле топилди - 6,5.

Италия ОАВнинг бошқа бир нуфузли нашри бўлмиш Tuttosport ҳам Шомуродовга энг юқори баҳо қўйди - 7,5.