Иброҳимҳалил Йўлдошев: "Футзал ва футбол ўртасида фарқ катта эканлиги сезилди"

Мазкур учрашувдан сўнг футбол бўйича миллий терма жамоамиз сафида тўп тепган Иброҳимҳалил Йўлдошев фикрлари билан ўртоқлашди.

"Ушбу учрашув юқори савияда ташкиллаштирилди. Таассуротлар яхши. Шахсан ўзим футзалда биринчи маротаба ўйнадим. Футбол ва футзал ўртасида фарқ бор. Уларнинг ўз ўйин услуби ва тактикалари бўлади. Устунлиги эса тезлик ва тезкор қарорлар чиқаришида бўлди. Бунда барибир тафовут сезилди. Биз футболчимиз, ўрганмаганмиз. Шу боис бироз қийналдик. Лекин, футзалда ҳам яхшигина куч сарфланар экан. 

Албатта, ўзига хос фойдали томонлари ҳам бўлди. Бу баҳс орқали кейинги сафар футзалчиларга қарши қандай ўйнаш кераклигини тушундим",- дейди Иброҳимҳалил Йўлдошев.

Абдулазиз Искандаров ёзиб олди