Ҳикмат Ҳошимов: «Тенг курашлар остида ўтган учрашувда омад бизга кулиб боқди»

Бутун ўйин давомида жамоадошларига керакли кўрсатмаларни бериш билан бир қаторда ўз вазифасини аъло даражада бажрган футболчи жамоасининг иккинчи голига ассисентлик қилди. Учрашувдан сўнг Ҳикмат Ҳошимовнинг фикрлари билан қизиқдик.

- Ўйин ҳар икки жамоа учун ҳам осон кечмади. Менимча бундай иссиқда ўйнаш бирдек таъсир ўтказди. Бирор бир жамоа яққол устунликка эришди деб бўлмайди. Тенг курашлар остида кечган баҳсда омад бизга кулиб боқди. Албатта ғалаба қозонганимиздан хурсандман. «Андижон» ҳам ёмон ўйнагани йўқ. Биринчи бўлимнинг ўзидаёқ ҳисобни тенглаштиришди. Иккинчи бўлим бошларида эса Анвар Бердиев яккама-якка вазиятга чиқиб борди. Яхши ҳамки дарвозабонимиз қутқариб қолди. Акс холда учрашув умуман ўзгариб кетарди.

- Жамоада ҳамжиҳатлик ва ишонч юқорилиги сабабли жорий мавсум яхши натижаларга эришмоқдамиз. Ҳамма бир-бири билан аҳил-иноқ бўлиб кетган. Шофёрдан тортиб ошпазгача бир мақсад сари харакат қилинмоқда.  Қолаверса таркибдаги ҳар бир футболчи машғулот чоғида астойдил ишламоқда - дейди Ҳикмат Ҳошимов.

«Андижон» матбуот хизмати.