Ҳамдамов "Бунёдкор" нимани ҳисобига ютқазаётганини билмаяпти

- "Бунёдкор" яна ютқазди. Бу учрашувга қисқача қилиб қандай таъриф бера оласиз?
- Ўйинга бирор нима деб таъриф бериш жуда қийин. Ўйинимиз қовушмади, четлатиш ҳам бизнинг ишимизни анча оғирлаштирди.

- Уч йилдан буён бир хил сценарий давом этиб келмоқда. Ҳар сафар ўйинлардан олдин баландпарвоз гаплар бўлади. Лекин амалда мутлақо ҳеч нимани кўрсата олмаяпсизлар. Аввал "Бунёдкор"дан Осиё майдонларида ҳар қандай жамоа ҳайиқиб турарди. Ҳозир эса "Бунёдкор" рақибларга очко улашадиган жамоага айланиб қолгани ҳақиқат. Нимани ўзгартириш керак, деб ўйлайсиз?
- Билмадим тўғриси. Ҳали "Бунёдкор" ўз сўзини айтади. Ҳозир ёшларга кўпроқ эътибор қаратилмоқда. Худо хоҳласа ҳаммаси яхши бўлади.

- Жамоада ички муҳит қай даражада?
- Ички муҳит жойида. Нимани ҳисобига ютқазаётганимизни билмадим. Буни ўрганиб, хатолар устида ишлашимиз керак.