Ғайрат Жумаев: «Энди Навоийда очко йўқотишга ҳаққимиз йўқ»
16 jun 2016 13:20
News

Ғайрат Жумаев: «Энди Навоийда очко йўқотишга ҳаққимиз йўқ»

Олий лига ўн иккинчи туридан жой олган учрашувлардан бири Навоийда “Қизилқум” — “Навбаҳор” жамоалари ўртасида ўтказилади.

Мазкур ўйин олдидан навоийликлар ярим ҳимоячиси Ғайрат Жумаев ўз фикрларини билдирди.

—Сўнгги турларда жамоамиздан омад очиқчасига юз ўгирмоқда, — дейди Ғайрат Жумаев. — Охирги турда Тошкентда “Бунёдкор”дан аламли мағлубиятга учрадик. Навоийлик мухлислар эса биздан ғалаба кутишмоқда. Ўз майдонимизда муҳим учрашувларда рақибларимизга очколар улашганимиз якунда жамоамиз аҳволини оғирлаштириши мумкин. Шу боис ҳам энди Навоийда очко йўқотишга ҳаққимиз йўқ.

“Навбаҳор” сўнгги турда чемпионат пешқадамларидан бири — “Насаф”дан очко тортиб олганлигини ҳисобга олсак, бугун бизни олдинда оғир ўйин кутиб турибди. Шунга қарамай ўйинга пухта ҳозирлик кўрдик. Мақсадимиз эса унда фақат ғалаба қозонишдир.

“Қизилқум” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: