Футзал. Таиланд - Австралия учрашувидан олдин мураббийлар фикрлари

Роберт Варела (Австралия бош мураббийи): Биз ушбу мусобақада ҳали ютқазмаган Таиланд терма жамоасига қарши майдонга тушамиз. Ушбу жамоа билан аввал ҳам дуч келганмиз. Бир-биримизни имкониятларимизни яхши биламиз. Тушиниб турибмиз, бизни қийин баҳс кутмоқда. Эртанги бўладиган беллашувдаги режамиз битта - ғалаба қозониш. Колумбияда бўлиб ўтадиган мундиал чиптасини қўлга киритиш учун бор имкониятларимизни ишга соламиз.

Виктор Херманс (Таиланд бош мураббийи): Ҳамкасбим айтгандек биз битта минтақаданмиз. Шу боисдан бир-биримиздан беркитадиган сиримиз йўқ. Австралия таслим бўлмайдиган кучли терма жамоа. Бу жамоадаги кўплаб мутахассислар билан дўстона алоқадамиз. Умид қиламанки, эртанги учрашувдан кейин ҳам илиқ муносабатларни сақлаб қоламиз. Бизнинг асосий мақсадимиз ЖЧга йўлланмасига эга чиқиш.

- Таиланд терма жамоасидаги Супхавутни тўхтатиб қолишни имконияти борми?
Роберт Варела:  Биз Супхавутнинг қандай кучга эга эканлигини биламиз. Лекин биз бир футзалчига қарши эмас, бутун жамоага қарши баҳс юритамиз. Футзални бир ўйинчи ўйнамайди. Биз бутун жамоага қаршилик кўрсатишимиз лозим.

Виктор Херманс:  Супхавут ҳақида гапирадиган бўлсам, албатта ушбу футзалчи жамоамизнинг етакчи аъзоси. кеча Вьетнам унга жуда катта эътибор қаратди ва уни зарарсизлантиришга ҳаракат қилишди. Бироқ бизда Супхавутдан ташқари бошқа кучли футзалчилар ҳам мавжуд.
 
- Плей-офф босқичида пенальтилар сериясига мурожаат қилиниши мумкин. Шу боисдан бу нарсага жамоага алоҳида тайёргарлик кўрдими?
Роберт Варела: Биз имкон қадар пенальтилар сериясигача бормасликка ҳаракат қиламиз. Чунки учрашув тақдирини ўйинда ҳал этишни истаймиз. Лекин пенальтилар серияси ҳам футзалнинг бир қисми. Биз бунга тайёрмиз.

Виктор Херманс: Рақиб сафида пенальтилар сериясида кимлар тўп тепиши ва дарвозага кимлар туришини билишни истардик. лекин бу қийин иш. Лекин шунга қарамасдан бу борада ҳам тайёргарлик олиб борамиз.

- Таиланд ва Австралиядан бири мағлуб бўлади. Нима деб ўйлайсизлар айнан шу жуфтликда мағлуб бўлган жамоа бешинчи йўлланмага эга бўладими?
Виктор Херманс: - Спортда ғолиб ва мағлуб бўлиши аниқ. Мақсадимиз Жаҳон чемпионатига чиқиш, бунга қандай эришамиз бунинг фарқи йўқ.

Роберт Варела: - Бу мусобақа Жаҳон чемпионатига чиқиш учун иккита имконият беради. Шундай экан нима учун бу икки имкониятдан биридан фойдаланмаслигимиз керак?


Шаҳбоз Беғамов ёзиб олди