Фарруҳ Сайфиев: "Бир ойга қолмасдан сафга қайтаман"
28 apr 2016 10:57
News
![](https://championat.asia/upload/storage/206339_original.jpg)
![](/upload/storage/206339_220.jpg)
Фарруҳ Сайфиев: "Бир ойга қолмасдан сафга қайтаман"
Фарруҳ Сайфиев ўтган йилги мавсумнинг охирларида жароҳати туфайли сафдан чиққан эди. Декабрнинг охирларида хорижда жарроҳлик амалиётини ўтказди ва узоқ вақт тиббий муолажада бўлди. Кейинроқ эса жисмоний тайёргарликларни бошлади ва мана ниҳоят у яна сафга қайтишга яқин турибди.
Биз Фарруҳ билан унинг ҳозирги аҳволи ҳамда энг муҳими қачон сафга қайтиши ҳақида сўрадик.
-Ҳозирги пайтда якка тартибда тинмасдан шуғулланаяпман. Мақсадим тезроқ сафга қайтсам, дейман. Жамоамга ёрдам беришим кераклигини ҳар дақиқада ҳис қилиб турибман. Насиб бўлса, бир ойга қолмасдан сафга қайтаман.
Тўғриси, бу жароҳатдан қутулиш узоққа чўзилар экан, буни душманимга ҳам раво кўрмасдим. Эшитганман, футболчи учун ўз жамоаси ўйинларини трибунада кузатиш жуда оғир бўлишини. Буни ўзимда синаб кўрдим, рости жуда қийналиб кетаркансан киши. Менга доимо жамоадошларим, мураббийлар, клубимиз раҳбарияти далда бериб туришади, бу менга катта руҳий куч бағишлайди,-дейди Фарруҳ Сайфиев.
Similar news
![AMP Logo](https://championat.asia/image/logo-amp.png)
Comments