Latest news

17:05"Ювентус" "Интер" футболчисига қизиқмоқда, аммо...  0 16:40"Милан" 2024/25 йилги мавсум учун сафар либосини тақдим этди  1 16:15"Арсенал" "Реал Сосьедад"дан Меринони харид қилмоқчи  1 15:49Саудияликлар Рафинья учун 65 млн евро таклиф қилишди. "Барса" Уильямс ва Ольмо билан шартнома имзолаш учун ўйинчиларни сотишга тайёр  1 15:17Де Хеа "Женоа"га ўтмайди – унинг талаблари клуб учун жуда юқори. Дарвозабонда МЛС ва Саудия Арабистонидан вариантлар бор  1 14:49Артём Довбик "Рома"нинг таклифини қабул қилди ва клубга ўтишга яқин  1 14:21Ольмо "Барселона"дан ташқари барча клубларнинг таклифини рад этди  2 13:58Ихеаначо Ла Лига клубига ўтишга яқин  1 13:31Ашурматов: "Олимпиада олдидан Ўзбекистон терма жамоасининг плей-оффга чиқишига катта умид боғланганди"  7 13:02"Рома" "Ювентус" футболчиси билан шартнома имзолашга яқин  0 12:38Филлипс "Манчестер Сити"ни тарк этмоқчи  1 12:17ПСЖ ва АПЛ клублари Уильямснинг Испанияда қолишни афзал кўришини ҳис қилишмоқда. "Барселона" – фаворит  0 11:48Лондон клуби Ван-Биссака борасида МЮ билан музокаралар ўтказмоқда  1 11:25Шерзод Қодиров "Динамо"дан кетди?!  0 11:04«Бухоро» «Локомотив» футболчиси билан шартнома тузди  4

Европада ҳам бизнинг услубга мурожаат этишмоқда… Ла лиганинг 2-тур шарҳи News

Европада ҳам бизнинг услубга мурожаат этишмоқда… Ла лиганинг 2-тур шарҳи

Испания чемпионати бу гал ҳар галгидан кўра қизиқроқ старт олди.

Биринчи турда «Барселона» мағлубиятга учраган бўлса, иккинчи турда Мадриднинг «Реал»и ҳам очко йўқотишга мажбур бўлди. Ҳозир мазкур учрашувлар орасидан энг қизиқарлилари ҳақида қисқача фикр юритамиз.

«Севилья» ва «Атлетико» турнир пешқадамига айланиб олишди. Бир пайтлар ҳозирги Испания ҳудудлари Араб халифалиги таркибига киргани ҳақида хабарингиз бор. Ўша даврларда Ишбилия ва Ғарнота шаҳарлари испан маданиятининг энг олди шаҳарлари ҳисобланишган. Асрлар давомида бу номлар этимологик жиҳатдан ўзгаришга учраб, бугунги испан тили мезонларига кўра «Гранада» ва «Севилья» шаклида талаффуз қилинади. Аммо, мазкур провинцияда ҳали-ҳамон арабларнинг кўплаб топилиши билан Баскония, Каталония ёки Мадриддан фарқ қилади. 2-турда мазкур икки шаҳарнинг бош жамоалари тўқнашувига гувоҳ бўлдик. Учрашув деярли тенг курашлар остида ўтди. Ҳатто, «Гранада» футболчилари дарвоза томон кўпроқ зарбалар ҳам беришди. Аммо, бир хунук ҳолат: «дарвоза томон» ўрин ҳоли нега ажратиб ёзилди? Чунки, учрашув мобайнида «Гранада» футболчилари айнан дарвоза томонга 12 бор зарба йўллашди. Энг қизиғи, бу зарбаларнинг ҳаммаси ё дарвозанинг ёнидан, ёки юқорисидан ўтиб кетди. Таркибида Роберто Солдадодек «бозор кўрган» ҳужумчиси бор жамоанинг бунақа ноаниқлик кўрсатиши бироз кулгуни қўзғайдиган ҳолат. «Гранада» бош мураббийи Диего Мартинез машғулотларда шогирдларига улкан дарвозани тўғри нишонга олишни ўргатмаса, рақиб дарвозабонлари зерикиб қолишлари мумкин. Биз бу ҳолатга нега урғу бердик? Мазкур баҳсдан кейин АПЛ доирасида «Эвертон» «Астон Вилла»га мағлуб бўлган учрашувда ҳам шунга ўхшаш ҳолат юзага келди. Шунинг учун, «Гранада»да асосан араблар яшаши ҳақида ҳам гапирдик. Улар Осиё футболидан андоза олишмоқда. Яна кимдан денг, бизнинг футболдан. Куляпсизми? Йўқ, шошилманг. Ахир, бир неча йил олдин Осиёда янгича футбол услубини яратиш илинжида юртимизнинг «энг кучли» йигитлари билан Эрон миллий терма жамоаси дарвозасига бирорта ҳам аниқ зарба йўлламаганимиз (йўллай олмаган эмас, услуб талабларидан келиб чиқиб йўлламаган дейлик) учрашувларни эсладингизми. Улар айнан ўша услубнинг моҳиятини англаб етиб, буни Европага тадбиқ этмоқдалар…

(Тарихга эътибор берилмаслиги мумкин, аммо бу тарих барчанинг ёдидан чиққанини англатмайди. Яъни, биз испан тарихидаги Араб халифалигининг мустамлакачилик даври тарихини назарда тутяпмиз... )



Юқорида ёмон дамларни эслатиб юборган бўлсак, узр! Айтмоқчимизки, шундай ҳолат АПЛ-у Ла лига жамоалари билан ҳам юз бериши мумкин экан. Буни шунчаки омадсизликка йўйиб қўя қолайлик. Қўлимиздан ортиқ нима ҳам келарди…

Хуллас, бизнинг услубга мурожаат этган (шу жумлаларни фахр ва ифтихор билан айтамиз, ким билади яна қачон бундай дейиш насиб этаркин) «Гранада» якунда бу нотўғри қарор бўлганини тушунди ва минимал ҳисобда имкониятни бой берди. «Севилья» эса бу ғалабадан кейин турнир жадвалида «Атлетико» билан биргаликда карвонбошиликни қўлга олди. Ўтган мавсумда ҳам мазкур клуб стартни яхши олган, аммо иккинчи даврада мувозанатни йўқотганди. Бу гал кўрамиз, Ла лигада доимий етакчилик қиладиган триони квартетга айлантира олармикан?


Мадриднинг «Атлетико»си эса «Леганес» майдонида меҳмон бўлиб, Витолининг голи эвазига ғалаба қозонди. Мазкур баҳс кўрсатдики, «матрасчилар» жамоасида ҳар қандай юлдуздан кўра мураббийнинг имзоси устунроқ туради. Янгиланган «Атлетико» ҳам олдингисидек минимал ҳисобда ғалаба қозонмоқда. Эътиборлиси, жамоани етакчилар тарк этиши клубга заррача таъсир кўрсатмаган. Годин-у, Хуанфранларсиз мудофаа чизиғи ҳам қуруқ ўйин ўтказиш мумкин экан.

Leganes

LaLiga . Round 2

25/08/2019, 22:00

1
:
0
Finished

Atletico Madrid

Vitolo - 71'

Stadium: Estadio Butarque, 11742 spectators

Referee: Ricardo De Burgos

45'
90'
23'  Javier Eraso
28'  Rodrigo Tarin (Unai Bustinza)
34'  Roberto Rosales
73'  Jonathan Cristian Silva
77'  Kenneth Omeruo (Jose Arnaiz)
78'  Javier Eraso (Javier Aviles)
90'  Youssef En-Nesyri
52'  Mario Hermoso
60'  Mario Hermoso (Vitolo)
62'  Thomas Partey
70'  Thomas Partey (Marcos Llorente)
71'  Vitolo
71'  Joao Felix
80'  Marcos Llorente
86'  Vitolo
89'  Thomas Lemar (Felipe)
90'  Koke


«Реал» «Барселона»дан узоқлашишни хоҳламайди, шекилли. Мамлакат ичидаги етакчилик «Барселона»нинг жонига теккан чоғи, жамоа биринчи турдан кейин бошқа рақобатчиларига ажойиб имкон тақдим этганди. Чемпионатни «Барселона»дан 3 очколик фарқ билан олдинда бошлаш мавсум ўртасига бориб асқотиб қолиши мумкин, албатта. Бундан «Севилья» ва «Атлетико» тўғри фойдаланмоқда. Энди улар «Барселона»дан 3 очко, қўшимчасига «Реал»данам 2 очкога ўзиб кетишди. Чунки, Зидан шогирдлари «Сантьяго Барнабеу»да «Вальядолид» дарвозасига 22 та зарба бериб ҳам ғалабага эришишни уддалай олишмади. Бу кетишда «Қироллик клуби» яна бир муваффақиятсиз мавсум ўтказиши мумкин. Реал етакчиси бўлиш учун жамоага ташриф буюрган Эден Азар майдонга қайтгач, жамоа ўйинини кузатиб бу борадаги сўнги хулосаларни беришимиз мумкин. Маълумотларга қараганда, Эден кейинги турда майдонга тушиш имкониятига эга бўлади.

Real Madrid

Karim Benzema - 82'

LaLiga . Round 2

24/08/2019, 22:00

1
:
1
Finished

Real Valladolid

Sergi Guardiola - 89'

Stadium: Estadio Santiago Bernabeu, 62444 spectators

Referee: Pablo Gonzalez

45'
90'
57'  James Rodriguez (Vinicius Junior)
68'  Isco (Luka Jovic)
73'  Toni Kroos
82'  Karim Benzema
82'  Raphael Varane
90'  Karim Benzema (Lucas Vazquez)
90'  Casemiro
33'  Federico San Emeterio
59'  Javi Moyano (Waldo Rubio)
80'  Pedro Porro (Antonito)
84'  Federico San Emeterio (Anuar)
89'  Sergi Guardiola
89'  Oscar Plano
90'  Waldo Rubio



«Валенсия»дан яна ёмон старт. «Кўршапалаклар»нинг ишлари бу мавсум ҳам юришмаяпти. Жамоа Вигонинг «Селта» клубига минимал ҳисобда мағлуб бўлди. Ортда қолган икки турдан кейин «Валенсия» 1 очко тўплагани ҳолда аутсайдерлар зонасидан ўзига иссиққина жой тайёрлатиб олди. Жамоанинг юртимиздаги кам сонли мухлисларига сабр, жамоага эса омад тилашдан бошқа чора тополмадик.

Celta Vigo

Gabriel Fernandez - 15'

LaLiga . Round 2

25/08/2019, 00:00

0
:
1
Finished

Valencia

Stadium: Abanca Balaidos, 20065 spectators

Referee: Alejandro Hernandez

45'
90'
15'  Gabriel Fernandez
15'  Denis Suarez
48'  Lucas Olaza
74'  Gabriel Fernandez (Santi Mina)
78'  Brais Mendez (Pape Cheikh)
90'  Iago Aspas (Hugo Mallo)
90'  Denis Suarez
61'  Maximiliano Gomez (Rodrigo)
61'  Gabriel Paulista (Mouctar Diakhaby)
62'  Jose Gaya
67'  Cristiano Piccini (Ferran Torres)
90'  Daniel Parejo



Эрнесто Валверде «ёмон Барса»ни ўчириб, «яхши Барса» механизмини ишга туширди. Биринчи турдаги мағлубияти катта муҳокамаларга сабаб бўлган «Барселона» «Бетис»га қарши учрашув бошида ҳам ўз мухлисларини хавотирга солиб қўйди. Боиси, Набиль Фекир 15-дақиқада ўз жамоасини ҳисобда олдинга олиб чиқишни уддалади. Аммо, кейинчалик Антуан Гризманн Каталонияга кўргазмали чиқишлар учун олиб келинмаганини англаб етди. Дастлаб, танаффусга қадар ҳисобни тенглаштирган француз иккинчи тайм аввалида «кўк-анор ранглилар»ни ҳисобда олдинга ҳам олиб чиқди. Қолгани «Барселона» учун муваффақиятли давом этди. Учрашувда Гризманн томонидан киритилган дастлабки икки голга Серхи Роберто томонидан самарали узатма амалга оширилганини инобатга олсак, Роберто мавсум давомида ўзини қайта кашф этиши мумкин. Зеро, унда «Ла масия»нинг барча битирувчилари сингари ўйинни ўқий олиш, майдонни кўра билиш ва супер аниқликдаги тўп узатишлари бор. Балки, футболчи Хави ёки Иньеста даражасига чиқа олмас, аммо янги «Роберто» даражасига асос солиши мумкин. Ўйинга қайтадиган бўлсак, алалоқибат, «Барселона» 5:2 ҳисобидаги ғалабага эришиб, мавсумдаги дастлабки очколарни ишлаб олди.

Barcelona

Antoine Griezmann - 41', Antoine Griezmann - 50', Carles Perez - 56', Jordi Alba - 60', Arturo Vidal - 77'

LaLiga . Round 2

26/08/2019, 00:00

2
:
5
Finished

Real Betis

Nabil Fekir - 15', Loren Moron - 79'

Stadium: Camp Nou, 79160 spectators

Referee: Jose Luis Gonzalez

45'
90'
32'  Gerard Pique
41'  Antoine Griezmann
41'  Sergi Roberto
50'  Antoine Griezmann
50'  Sergi Roberto
56'  Carles Perez
56'  Nelson Semedo
60'  Jordi Alba
60'  Sergio Busquets
74'  Sergio Busquets (Arturo Vidal)
77'  Arturo Vidal
77'  Antoine Griezmann
78'  Carles Perez (Ansu Fati)
81'  Rafinha (Junior Firpo)
15'  Nabil Fekir
15'  Loren Moron
61'  Cristian Tello (Joaquin)
62'  Andres Guardado (Wilfrid Kaptoum)
75'  Sergio Canales (Diego Lainez)
79'  Loren Moron
90'  William Carvalho


Бундан ташқари, «Леванте» ўз майдонида «Вильярреал»ни мағлуб этди (2:1). Биринчи турда амалдаги чемпионни мағлуб этган билбаоликлар «Хетафе» майдонидан дуранг билан ортга қайтишди (1:1). «Осасуна» «Эйбар» билан «Алавес» эса «Эспаньол» билан нурсиз дуранг қайд этишди.

Шунингдек, «Мальорка» «Реал Сосьедад» баҳсида бир пайтлар «Реал»нинг келажаги дея тахмин қилинган Мартин Эдегорнинг ягона голи ўйин тақдирини ҳал қилди.



Қуйида тўпурарлар рўйхати билан танишинг:
Карим Бензема (Реал Мадрид) - 2
Л.Морон (Реал Бетис) - 2
С.Гвардиола (Реал Вальядолид) - 2
А.Гризманн (Барселона) - 2
Р.Марти (Леванте) - 2
Ж.Морено (Вильярреал) - 2.

Ҳозирча ҳаммуаллифлар рўйхатини «Атлетик» ҳимоячиси Андер Капа ва Серхи Робертолар 2 тадан самарали узатма билан бошқариб турибдилар.

Тобора қизиқарли тус олаётган Ла лига баҳслари, уларнинг атрофидаги ва ичидаги эътиборга молик воқеалар ва уларнинг шарҳини бизнинг сайтда кузатиб боринг. championat.asia сизни фақат сифатли материаллар билан таъминлайди.


Фахриддин Рўзиев

Rating: +9   

Comments

championat.asia
< show latest news
Яндекс.Метрика