Latest news

13:58Левченко: "Нега ғалабани мухлислар билан нишонламайман? Барчаси ўйиндаги асаб ва руҳий чарчоқ сабаб"  0 13:14Фергюсон "Манчестер Юнайтед"га қайтмоқчи эканини тан олди  10 12:35Аморимнинг "Реал"даги трансфер мақсади маълум бўлди  3 11:56"Реал" "Ливерпул"нинг навбатдаги юлдузини нишонга олди  8 11:20Месси МЛС тўпурарлар пойгасида етакчилик қилмоқда - 22 та ўйинда 22 та гол  3 10:53Бугун бўлиб ўтадиган "Арсенал" - "Манчестер Сити" баҳси учун жамаоларнинг эҳтимолий таркиби  14 10:27Мареска Санчеснинг 3-дақиқада олган қизили ҳақида гапирди  2 09:55Хаби Алонсо "Реал Мадрид" тарихида фақат икки мураббий эришган муваффақиятни такрорлади  8 09:23"Манчестер Юнайтед" - "Челси" учрашувининг биринчи бўлими АПЛ тарихига кирди  3 08:41"Барселона" Маркус Рэшфорд борасида бир қарорга келди  2 08:07Суперлига. Бугун 22-тур якунланади  6 08:05МЛС. Мессининг иккита голи ва битта голли узатмаси "Интер Майами" жамоасига "Ди Си Юнайтед" устидан ғалаба келтирди  29 07:35Саудия Пролигаси. "Ал Насср"дан йирик ғалаба. Роналдудан дубл  8 06:55Суперлига. "Нефтчи" – "Динамо" 2:1   0 06:40Эксперт фикри. Абдуқаҳҳор Маъруфалиев: "Бухоро"да янги мураббий таъсири кўринди, Фарғонада тенг ўйин бўлди. Лекин..."   7

"Евро-2020 кундалиги". "B" гуруҳидаги ўтказилган ўйинлар ва 1-турдан кейинги ҳолат ҳақида News

"Евро-2020 кундалиги". "B" гуруҳидаги ўтказилган ўйинлар ва 1-турдан кейинги ҳолат ҳақида

12 июндан 13 июнга ўтар кечаси Европа чемпионати гуруҳ босқичининг "B" гуруҳидаги 1-тур учрашувлари ўтказилди.

Дастлабки ўйин Дания — Финляндия бўлди. Мазкур баҳс ҳақида эшитмаган киши қолмади десак муболаға бўлмайди. Ўйиндан аввал қизиқиш катта бўлмаган баҳс якунига етгунига қадар бутун дунё эътиборини ўзига торта олади. 

1-бўлимнинг илк дақиқаларидан бошлаб Дания терма жамоаси аъзолар фаол ҳаракат қилишди. Финляндия дарвозаси томон бир неча бор хавфли ҳужумлар, зарбалар берилди. Шу ўринда таъкидлаш лозимки финляндияликлар дарвозабони жамоасини бутун ўйин давомида бир неча бор қутқарди. 

Баҳснинг 43-дақиқасига келиб учрашув тўхтаб қолди. Дания терма жамоаси футболчиси Кристиан Эриксен майдонга йиқилди. Уни эса футболчилар ўраб олди. Сиз бу ҳақида ўқиганингиз, эшитганингиз табиий. Шу боис бу мавзуга кўп ҳам тўхталмаймиз.

Кристиан Эриксен ҳақидаги барча хабарлар битта саҳифада  

Тошкент вақти билан 21:00 да бошланган ўйин тўхтаб қолганидан сўнг 23:30 дан бошлаб яна давом эттирилди. 

Ўйин давомида данияликлар устунлик қилишда давом этишди. Бироқ гол Финляндияликлар томонидан урилди. 59-дақиқада Похьянпало қанотдан узатилган тўпни бош билан тўпни дарвозага киритди. 

Шундан сўнг даниялик футболчилар олдинга боришда давом этишди. 74-дақиқага келиб финляндия дарвозаси томон пеналти белгиланди. Aммо ушбу вазиятдан Хейьбрег гол ура олмади. .Унинг берган зарбасини дарвозабон қайтарди.

Шу тариқа якунига етган ўйинда финляндияликлар 3 очкога эга чиқишди. 

Мазкур баҳсдаги статистикага эътибор қаратсак, тўплар нисбати бўйича устунлик Дания термаси томонида бўлди — 69% — 31%. Дарвозага зарбалар бериш бобида ҳам данияликлар етакчи: 16 — 1. Шунингдек, Дания терма жамоаси ушбу ўйинда 9 марта бурчак зарбасини амалга оширди. Бу кўрсаткич Финляндияда нолга тенг бўлди. 

Гуруҳдаги иккинчи, кечаси куннинг марказий ўйини дея баҳоланган Бельгия — Россия учрашувига тўхталамиз. 

Учрашувнинг илк дақиқалариданоқ Бельгия терма жамоаси устунликни ўз қўлларига олишди. Бу эса 10-дақиқага келибоқ ўз самарасини берди. Ўнг қанотдан узатмадан кейин Андрей Семенов тушунарсиз ҳаракати билан Лукакуга гол совға қилди, Ромелу эса қулай имкониятдан унумли фойдаланди. 

Шундан сўнг ҳар икки жамоада ҳам қатор вазиятлар бўлиб турди. 34-дақиқага келиб захирадан ўйинга қўшилган Тома Менье орадаги фарқни оширди. Биринчи бўлим шу тариқа ўз ниҳоясига етди. 

Иккинчи бўлимда кўпчилик Россиядан фаоллик кутган эди. Бу бўлимда кўп ҳам хавфли вазиятлар бўлавермади. Ўйиннинг сўнгги дақиқалари ўтиб бораётган бир вақтда эса Ромелу Лукаку баҳснинг натижасига нуқта қўювчи голни Россия дарвозасига киритди. 

Шу тариқа "B" гуруҳининг 1-тур учрашувлари якунланди. Мазкур ўйинлардан кейин эса Бельгия ва Финляндия 3 очко тўплаган ҳолда тўплар нисбати фарқи билан 1- ва 2-ўринларда бормоқда. 

Гуруҳдаги 2-тур учрашувлари 16-17 июнь кунлари ўтказилади. Россия терма жамоаси Финляндия қарши 16 июн куни Тошкент вақти билан 18:00 да ўйин ўтказади. Дания терма жамоаси эса Бельгияга қарши ўйин ўтказади. Ушбу баҳс 17 июнь куни Тошкент вақти билан 21:00 да старт олади.

Бугун "C" гуруҳидан ўрин олган икки, "D" гуруҳидан битта учрашув ўтказилади. 

Соат 18:00 да "D" гуруҳи вакиллари Aнглия — Хорватия ўзаро баҳслашса, 21:00 да "C" гуруҳи вакиллари Aвстрия ҳамда Шимолий Македония ўзаро ўйнайди. Бугундан эртагага ўтар кечаси 00:00 да "C" гуруҳининг иккинчи ўйини — Нидерландия — Украина баҳс олиб боради.

Author : Og'abek Samisov
Rating:    

Comments

championat.asia
< show latest news
Яндекс.Метрика