Эртага "Пахтакор" ва "Локомотив" жамоалари қайси либосда ўйнашлари маълум
17 sep 2018 15:31
News

Эртага "Пахтакор" ва "Локомотив" жамоалари қайси либосда ўйнашлари маълум

Эртага, 18 сентябрь куни Ўзбекистон кубогининг чорак финали доирасида "Пахтакор" ва "Локомотив" жамоалари ўзаро баҳс олиб боришади.

Бугун ушбу учрашувдан олдин икки жамоа вакиллари иштирокида йиғилиш бўлиб ўтди. Унда ўйиннинг ташкилий масалалари муҳокама қилинди. Бу ҳақда "темирйўлчилар" матбуот хизмати хабар берди.

Шунингдек, жамоалар учрашувда қандай либосларда қатнашиши ҳам маълум бўлди.

Унга кўра, "Пахтакор" сариқ, "Локомотив" эса қизил-оқ либосларда ўйнайди. "Шерлар" дарвозабони яшил, "темирйўлчилар" кипери эса қора рангли формада майдонга тушади.