Эрон футболчилари ЖЧ саралаш баҳсларидан олдин вакцина қабул қилишди
28 may 2021 13:58
News

Эрон футболчилари ЖЧ саралаш баҳсларидан олдин вакцина қабул қилишди

Июнь ойида Осиёда ЖЧ саралаш баҳсларининг тўхтаб қолган ўйинлари ўтказилади.

Эрон терма жамоаси навбатдаги тўртта ўйинни Баҳрайнда ўтказади. Футболчилар сафар йўл олишдан аввал иккинчи бор коронавирусга қарши вакцина билан эмланишди. Эрон МТЖ 31 май куни Баҳрайнга йўл олади ва у ерда Гонконг, Баҳрайн, Камбоджа ва Ироққа қарши майдонга тушади.

Драган Скочич шогирдлари расмий баҳсларга қадар ўртоқлик учрашуви ўтказишмайди. Бу эса футболни ёритувчи ОАВ норозилигига сабаб бўлди. Эрон терма жамоаси айни пайтда 6 очко тўплаган ҳолда гуруҳда учинчи ўринда боряпти. Гуруҳда Ироқ 11 очко билан пешқадамлик қилаётган бўлса, иккинчи ўриндаги Баҳрайн ҳисобида 9 очко бор.

Link :

Source : tehrantimes.com

Receive latest football news directly on your phone. Subscribe for our Telegram channel!

Rating: +2