"Реал" қишки харидларга тайёр: Модрич ўрнига 3 нафар номзод

Хаби Алонсо жамоаси ўзининг шиддаткорлигини сақлаб қолди, аммо темпни назорат қиладиган ва аниқ узатмалар орқали ўйинни қура оладиган ўйинчи етишмаяпти — хорватиялик бу ролни йиллар давомида муваффақиятли бажариб келганди.

"Fichajes" нашрининг хабар беришича, бош мураббий раҳбариятга 3 нафар номзод рўйхатини берди. Икки жаҳон чемпиони — "Челси"дан Энцо Фернандес ва "Ливерпул"дан Алексис Мак Аллистер, шунингдек, ПСЖдан португалиялик Витинья. Учаласи ҳам ажойиб техника, кўриш қобилияти ва ўйин ритмини бошқариш қобилиятига эга.

Аввалроқ Мартин Субименди варианти кўриб чиқилганди, аммо испаниялик "Арсенал"га ўтиб кетди. Алонсо ижодкор ярим ҳимоячи билан шартнома имзолаш мувозанатни тиклаш ва Чемпионлар Лигасидаги ўйинини яхшилаш учун калит деб ҳисоблайди. Манбаларга кўра, клуб бу қишда ярим ҳимояни кучайтириш ва Европа аренасида ҳукмронлигини қайта тиклаш учун катта маблағ сарфлашга тайёр.