U-17 ЖЧ старт олди. ОКда чорак финалда қолиб кетган Япония Африка чемпиони Марокашни таслим қилди, ўзбек ҳаками бошқарган ўйинда Месси ватандошлари ғолиб

Мусобақанинг очилиш ўйинида 7159 нафар мухлис кўз ўнгида мезбон Қатар ўсмирлари U-17 Еврода ярим финалга қадар етиб борган Италияга минимал ҳисобда имкониятни бой бериб қўйди. Гуруҳнинг иккинчи беллашувида Африкада кейинчалик чемпион бўлган Марокашга чорак финалда ютқазиб юришини тўхтатган Жанубий Африка Республикаси жамоаси Конмеболда 7-ўрин бўлган Боливияга ҳеч қандай имконият қолдирмади.

U-17 Жаҳон чемпионати, 1-тур

"А" гуруҳи

Қатар U-17 - Италия U-17 0:1

Гол: Инасио 19

ЖАР U-17 - Боливия U-17 3:1

Голлар: Витбои 38, Бохлоко 50, Элс 90+5 - Марауде 72 (пен.)

"Ўлим гуруҳи" бўлиши кутилган "Б" квартетида Япония ўсмирлари Африка чемпиони Марокашни ишончли ҳисобда таслим қилди - 2:0. Ёдингизда бўлса, японлар U-17 Осиё кубогининг чорак финалида Саудия Арабистонига пенальтилар сериясида имкониятни бой бериб қўйишган эди. Гуруҳнинг иккинчи беллашувида Португалия ўсмирлари Янги Каледония дарвозасига 6та тўп киритишди.

"Б" гуруҳи

Япония U-17 - Марокаш U-17 2:0

Голлар: Сегучи 57, Хирашима 90+8

Янги Каледония U-17 - Португалия U-17 1:6

Голлар: Вамове 11 (пен.) - Кабрал 22, 47, Мануэл 53, Миде 59, Фуртадо 85, Нету 90+7

"С" гуруҳида кечаги иккала ўйин ҳам дуранг натижа билан якунланди. U-17 Осиё кубогининг чорак финалида Ўзбекистондан 1:3 ҳисобида енгилган БАА ўсмирлари Коста Рика билан 1:1 ҳисобида дуранг ўйнаган бўлса, Сенегал ҳамда Хорватия баҳсида ҳисоб очилмади.

"Б" гуруҳи

Коста Рика U-17 - БАА U-17 1:1

Голлар: Беннетте 62 - Адел 59

Сенегал U-17 - Хорватия U-17 0:0

"Д" гуруҳидаги марказий ўйинни ҳамюртимиз Рустам Лутфуллин бошқариб борди. Унда ўз қитъасида бор йўғи 6-ўринни эгаллаган Аргентина ўсмирлари Европада ярим финалга қадар етиб борган Бельгияни 3:2 ҳисобида енгишди. Гуруҳдаги иккинчи тўқнашувда тунислик ўсмирлар Фижи дарвозасига жавобсиз олтита тўп киритишди.

"Д" гуруҳи

Аргентина U-17 - Бельгия U-17 3:2

Бош ҳакам: Рустам Лутфуллин

Ёрдамчи ҳакамлар: Санжар Шоюсупов, Акмал Ғиёсов

Голлар: Тулиан 36, Жаиникоски 68, Эскивел 71 - Де Кимпе 45+4, Наэрт 59

Тунис U-17 - Фижи U-17 6:0

Голлар: Слама 30, 53, Тайечи 36, 86, Саиди 74, Ҳаж Абдаллаҳ 80

Эслатиб ўтамиз, Ислом Исмоилов бошчилигидаги Ўзбекистон U-17 терма жамоаси кичик мундиалдаги юришини эртага, 5 ноябрь куни бошлайди. 18:00 да старт оладиган беллашувдаги рақибимиз Парагвай ўсмирлари бўлади.