Latest news

08:35ЖЧ-2026. Яна учта терма жамоа мундиал йўлланмасини қўлга киритди  5 08:06CAFA Nations Cup. Бугун Қирғиз Республикасига қарши майдонга тушамиз  0 07:39ЖЧ-2026 саралаш. Аргентина, Бразилия ва Уругвай йирик ҳисобда ғалаба қозонди  5 01:45ЖЧ-2026 саралаши. Германия мағлуб бўлди, Нидерландия дуранг ўйнади ва бошқа натижалар билан танишинг  9 01:20Валерий Карпин: "Иорданиядан бунақасини кутмагандик"  10 00:51Родри: "Бу жароҳат менинг фаолиятимни узайтирди"  0 00:33Даниэль Леви 24 йилдан сўнг "Тоттенхэм"дан кетди  1 00:03Ўртоқлик учрашуви. Россия - Иордания ўйинида голлар урилмади  5 23:51Фаррух Сайфиев Расул Чориевнинг ҳолидан хабар олди  14 23:31Ўртоқлик учрашуви. Саудия Арабистони Шимолий Македония термасини мағлуб қилди  0 23:09Ўзбекистон терма жамоаси Қирғизистонга қарши ўйин олдидан машғулот ўтказди ГАЛЕРЕЯ  5 22:51Эрон "CAFA Nations Cup-2025" финалига йўлланма олди  8 22:15Килиан Мбаппе: "Бизга дам керак"  7 21:51Трентнинг "Реал"га ўтганига бўлган муносабат Майкл Оуэнга ёқмади  1 21:25Элдор Шомуродов: "Ниятимиз финалга чиқиб, чемпион бўлиш"  15

Eгор Кримец: "Хитой чемпионатида фоворитлар йўқ" News

Eгор Кримец: "Хитой чемпионатида фоворитлар йўқ"

Сўнгги йилларда ривожланиб бораётган Хитой миллий чемпионатидан жой олиш бизникиларга ҳам қийин бўлиб боряпти.
Жорий мавсум ОЧЛда бош совринни қўлга киритган "Гуангжу" жамоаси Хитой Суперлигасининг савияси ҳақидаги саволга жавоб бера олди.

"Биринчи йиғинга келганимда сербиялик мураббийимиз Александр Стоноевич менга ёш эканлигимни айтиб, шошмасдан таркибга қўйишини таъкидлади. Илк хориж чемпионати бўлгани учун мослашиш учун вақт керак эканлигини менга тушунтирди. Биринчи ўйиним 2-турга тўғри келди. Баҳс давомида Канутега голли пас бердим. Шундан кейин мураббийимиз мени асосий таркибга кирита бошлади ва ўз ўйинимни топиб олдим” – дейди “Пахтакор” тарбияланувчиси.

- Жамоа аъзолари сени қандай қабул қилишди? Чунки Хитойда ҳозир легионерларга жиддий эътибор беришяпти...
- Аввалига менсимаганлар ҳам бўлди. Кейин машғулот ва ўйинлардаги ҳаракатларимни кузатиб, менга нисбатан муносабатлари ўзгарди. Жамоамиз аҳил.

- Шундай пайтда нималарни ўйладинг, қайтиб кетиш фикри бўлдими?

- Аксинча, Ўзбекистонда ҳам яхши ўйинчилар борлигини исботлашим керак эди ва буни уддалай олганимдан хурсандман.

- Ички чемпионат кучайиб бораётган бир пайтда Хитой терма жамоасининг ишлари яхши эмас?
- Чунки бу ерда асосий ишни легионерлар бажаради. Терма жамоада эса ўйин тизгинини ўз қўлига оладиган футболчилар йўқ. Ҳозир Липпининг келиши ҳақида гаплар юрибди. У "Гуангжу" билан ОЧЛда ғалаба қозонди. Қолаверса жамоа таркибининг асоси МТЖ аъзолари ҳисобланади. Чемпионат кучлилигининг ҳам асосий сабаби легионерлар. Маҳаллий ўйинчиларнинг барчасида савия деярли бир хил.

- Ўтган йил "Гуангжу" сўнгги турдагина чемпионликни қўлга киритди. Бу йил эса чемпионликни осонликча ҳал қилгандек. Иккинчи ўринни олган "Жиангсу" эса аксинча қуйи лигага тушиб кетишига оз қолди.

- 2013 йили "Жиангсу"га катта омад кулиб боқди. Жамоа ўзимиздан "Нефтчи"га ўхшаб ўйнайди. Асосан ярим ҳимоячиларнинг фаоллиги эвазига. Бу йил негадир уларнинг ўйини бироз ўхшамади.

- У ерда Ўзбекистонлик футболчиларга бўлган эътибор қандай?
- Ажратиш йўқ. Бу эса футболда энг муҳими. Кейин кўп нарса бош мураббийга боғлиқ. Бизнинг мураббий Канутега қандай муносабатда бўлса, менга ҳам шундай бўляпти.

- Бизнинг олий лигадан фарқли равишда Хитойда ҳеч бир жамоа ўйиндан олдин ғалаба қозонмайди. Бундай футбол сен учун қизиқ бўляптими?

- Жамоага биринчи келганимда босниялик жамоадошим Дарко Матич, бу ерда оддий ўйин йўқлигини айтганди. Амалда ўзим ҳам шунга гувоҳ бўлдим. Стадион мухлислар билан тўлиб тошади. Уй ўйинларимизда айнан мухлислар ҳисобига ғалаба қозоняпмиз, ҳар бир ўйинимизда энг камида 40 000 нафар мухлис келади ва бу маънавий жиҳатдан жуда катта озуқа. Хитой чемпионатида "Гуангжу"ни инобатга олмасангиз, ўйиндан аввал ким фоворит, ким аутсайдер била олмайсиз.

- Олдингизда "Гуангжу" билан Кубок ўйини турибди. Липпи жамоаси ОЧЛ ва чемпионатда ғалаба қозонди, сизларни менсимаслиги мумкин. Бу эса "Бейжинг" фойдасига ишлаши мумкин.
- Агар шундай бўлса зўр. Лекин Кубок иккита ўйиндан иборат эканлигини ҳисобга олсак, финалда икки жамоага ҳам осон бўлмайди.

- Бу йил жамоангиз учинчи ўринни қўлга киритди...
- Жамоамиз олдига ОЧЛ йўлланмасини берувчи ўринлардан бирини қўлга киритиш вазифаси қўйилганди. Буни уддаладик. Эндиги вазифа Кубокда ғалаба қозониш. Чемпионатда бундан ҳам яхши натижа кўрсатишимиз мумкин эди. Бироқ ОЧЛ бироз панд берди. Юқорида айтиб ўтганимдек, бу ерда асосий ишни легионерлар қилишади. Шунинг учун захирамиздан жой олган футболчиларнинг савияси юқори эмасди. Жамоа аъзолари 3 кунда бир ўйин ўтказа олмаслиги сабаб, чемпионат бошида муҳим очколарни бой бердик.

Нодирхўжа Юлдашев

Rating:    

Comments

championat.asia
< show latest news
Яндекс.Метрика