Даврон Турсунов: “Янги йилни уйда оилам даврасида кутиб олмоқчиман”

28 ёшли футболчи янги йил байрами муносабати билан юртдошларимизни самимий қутлади.

- Авваламбор келаётган янги йил билан халқимизни самимий муборакбод этаман. Илоҳм юртимиз тинчлигига кўз тегмасин. Осмонимиз ҳамиша мусаффо бўлсин. Юртбошимиз омон бўлсин. 2016 йил юртдошларимиз учун омадли келишини истардим.

- Ортда қолаётган 2015 йил ҳам яна бир неча соатлардан сўнг тарих зарварақларидан ўрин олади. Албатта якунига етиб бораётган йил омадли кечди дея оламан. Футболчилик фаолиятимдан ҳам қониқиш хосил қилдим. Ҳар холда “Андижон”ни кучлилар сафида олиб қолишга эришдик. Бунга жамоадаги йигитларнинг аҳиллиги ва ўз кучи билан эришганини таъкидлаб ўтмоқчиман. Элитада қолганимиздан асосийси маҳаллий ишқибозлар хурсанд бўлди. Энг муҳими ҳам шудир.

- Кўпинча янги йил байрамини оилам даврасида нишонлайман. Ота онам ва оилам билан ўтказишни хуш кўраман. 2016 йилни ҳам уйда кутиб олиш ниятидаман. Байрам байрамдек бўлсин дея, ўғлим билан уйда арча ясаб, турли хил ўйинчоқлар билан безадик.

Исломбек Рустамбеков.