Чилилик посбон: "Месси энди ютқазиш ва жим туриш навбати сенга келди"
12 jul 2019 01:30
News

Чилилик посбон: "Месси энди ютқазиш ва жим туриш навбати сенга келди"

Чили терма жамоасининг собиқ кипери Жонни Эррера Аргентина сардори Лионель Мессининг Копа Америкада ишлаган ҳакамлардан норозилиги ҳақидаги гап-сўзларига ўз муносабатини билдирди.

«Аргентинада иккита чемпион бор: бири – бошқарув бўйича, иккинчиси эса қўл билан урилган гол туфайли. Месси, энди ютқазиш ва жим туриш навбати сенга келди. Месси Чили билан ўйинда (ЖЧ-2018 саралаш, 1:0) ҳакамни хақорат қилгани учун 4 учрашувга дисквалификация қилинганди. Барчамиз ўша ерда эдик. Бироқ, кейин унинг жазо муддати қисқартирилиб, битта ўйиндан иборат бўлди. Оқибатда барчаси биз учун Мессининг Эквадорга (ЖЧ -2018 саралаш, 3:1) қарши ўйинда яхши ҳаракат қилгани билан якунланди. Ҳозир эса Месси нима ҳақида гапирмоқда?», – дейди Эррера.

Эслатиб ўтамиз, ЖЧ-2018нинг саралаш баҳслари доирасидаги Аргентина – Эквадор баҳсида Месси қайд этган хет-трик Чилининг Россиядаги мундиалга бормаслиги учун замин яратганди.

Link :

Source : Mundo Deportivo

Receive latest football news directly on your phone. Subscribe for our Telegram channel!

Rating: +24