"Биз "Сити" билан ўйингача қилган ишларимизни давом эттиришимиз керак" — Артета

"Арсенал" бош мураббийи Микель Артета Англия Премьер-лигаси 33-туридан ўрин олган "Манчестер Сити"га қарши ўйин (1:4) ҳақида фикр билдирди.

"Биз ушбу ўйингача қилган ишларимизни давом эттиришимиз керак. Жамоа ғалаба қозонишни бошлаши керак. Биз бу учрашувда барча энг яхши фазилатларимизни кўрсатишимиз кераклигини билардик. Аммо бугун "Арсенал" бундан йироқ эди. 

Футболчилар қўрқишди деб ўйламайман, лекин ўйинни бундай бошлаганимиз бизга муаммо келтирди. Бундай пайтда биз нималарга қодирлигимизни кўрсата олмаймиз", – деди испаниялик мутахассис.

"Арсенал" айни дамда АПЛда "Манчестер Сити"дан икки очко олдинда бормоқда. "Шаҳарликлар" захирасида 2 та ўйин бор.