Бернат: "ПСЖнинг мақсади - ўзи иштирок этаётган барча турнирларда ғолиб бўлиш"
14 sep 2018 11:17
News

Бернат: "ПСЖнинг мақсади - ўзи иштирок этаётган барча турнирларда ғолиб бўлиш"

"Бавария"дан ПСЖга ўтган ҳимоячи Хуан Бернат янги клуби сафида дебютга тайёрлигини маълум қилди.

"Бу ерда эканлигимдан жуда хурсандман, ПСЖ - буюк клуб. Ҳеч қайси футболчи асосий таркибда кафолатланган жойга эга эмас. Бу ерда ҳар бир позиция учун камида икки нафар кучли футболчи бор. Курзава тезроқ соғайиб кетишини тилайман. Унинг ўрнини эгаллаш учун бу ерга келдим. Янги жамоадошларим билан бирга майдонга чиқишни сабрсизлик билан кутяпман.

Ўзимни жуда яхши ҳис қиляпман, учрашувга тайёрман. Майдонга ким тушишини мураббий ҳал қилади, аммо тайёрман. Ўтган мавсум жароҳат туфайли 4 ойни ўтказиб юбордим. Бунинг кетидан бошқа муаммолар ҳам пайдо бўлди.

ПСЖ тўртта турнирда иштирок этади, мақсад - ҳаммасида ғолиб бўлиш. Албатта, бу қийин бўлишини биламиз" - дейди Бернат.

Link :

Source : psg.fr

Receive latest football news directly on your phone. Subscribe for our Telegram channel!

Rating: +1