Бахтиёр Ашурматов: "Локомотив" билан баҳс "Навбаҳор"даги сўнгги ўйиним бўлиши мумкин"

"Бу йилги мавсум мен учун мураббий сифатида оғир келди. Мағлубиятга келсак рақибимиз биздан икки калла устунлигини амалда кўрсатди. Улар ҳаққоний ғалабага эришишди, мухлисларимиздан узр сўрайман. Мағлубиятда мен айбдорман. Балки бугунги баҳс "Навбаҳор"даги сўнгги ўйиним бўлиши мумкин. Раҳбарият билан учрашувдан сўнг барчаси маълум бўлади. Балки янги мураббий келса жамоанинг натижалари яхшиланар. Ҳеч ким мени кетишимни сўрамади, шунчаки шахсан ўзим шундай ўйлаяпман", - дейди Ашурматов.

"Жамоа футболчилари билан гаплашдим, улар ҳам мени кетишимни исташмаяпти. Юқорида айтганимдек ўзим шундай қарорга келдим. Наманганлик мухлислар жуда ҳам талабчан, улар жамоани юқори ўринларда кўришни исташади. Ўз базамиз, машғулот майдонимиз, автобусимиз йўқ...шулар ҳам тезроқ ҳал қилинса яхши бўларди".

"Бизнинг футболчиларнинг руҳияти шундайки, "Локомотив", "Пахтакор" каби клубларга қарши баҳсдан олдин руҳан таслим бўлиб чиқишади".

"Иккинчи даврага режалар тузиб қўйгандик, тайёргарлик режалари, йиғинлар қаерда бўлиши, янги футболчиларнни рўйхатини тузиб чиққанмиз. Агар клубда қолсам буларни бажарамиз".

"Агар олимпия терма жамоасида ишлашда давом этганимда иккинчи даврада "Навбаҳор"дан кетиши аниқ эди. Янги мураббийлар штабига омад тилаймиз, жамоамиз олимпиадага чиқишларини чин дилдан истайман".