Азиз Ибрагимов: “Тўғри тактика эвазига ғалаба қозондик”
23 oct 2016 18:09
News

Азиз Ибрагимов: “Тўғри тактика эвазига ғалаба қозондик”

“Бухоро” – “Локомотив” учрашуви (2:1) якунида бухороликлар вакили Азиз Ибрагимов ўз фикрлари билан ўртоқлашди.

- Ўйин жуда шиддатли кечди. “Локомотив” кучли жамоа. Улар ўз-ўзидан чемпионат пешқадами бўлишгани йўқ. Яхши ҳамки учрашувдаги илк дақиқаларида гол уриб устунликни қўлга олдик. Тўғри тез орада жавоб голини ўтказдик. Аммо тушкунликка тушмай ўйин тизгинини ўз қўлимизга олиб, иккинчи голни уришга муваффақ бўлдик.

Иккинчи бўлим эса бошқача тактикада кечди. “Локомотив” нима бўлса ҳам гол уриш учун олдинга ўтишини билиб ҳимоявий ўйинни танладик. Мақсадимиз ҳимояни кучайтириб, қарши ҳужумдан гол уриш эди. Тўғри, бошқа гол уролмадик, аммо ҳисобни сақлаб қолдик. Демакки бугун биз тўғри тактика эвазига ғалаба қозондик, -дейди А. Ибрагимов

“Бухоро” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +13