Анвар Ражабов: "Голларим жамоамга фойда келтирмаганидан афсусдаман"

Аммо унинг учрашувдаги киритган икки голи жамоасига хаттоки дуранг ҳам келтирмади.

- Узоқ давом этган голсиз серияга айнан "Динамо" билан ўйинда чек қўйишни хоҳлагандик. Буни жамоадаги барча футболчилар яхши тушуниб турганди, - дея гап бошлади Анвар Ражабов. Биласизми шу куни голнинг ким уришидан қатъий назар муҳими мавсумдаги илк ғалабани нишонлаш асосий мақсадларимиздан бири эди. Уч очко олиб мухлисларимизни хурсанд этишни режалаштиргандик. Тайёргарлик ҳам шунга монанд яхши бўлганди, деб ўйлайман. Йигитларда ютиш учун иштиёқ юқори эди. Аммо омад етишмади. Қолаверса учрашувдан олдин ёғиб ўтган ёмғирдан сўнг майдоннинг холатига ҳавас қилиб бўлмасди.

- Майдоннинг кўп жойларига сув тўпланиб қолгани ҳам комбинацион ўйин кўрсатишимизга ҳалал берди.

- Янги жамоамга тўла киришиб кетдим назаримда. Ҳаммаси яхши. Шу куни захирадан Лочин Солиевнинг майдонга туширилиши ўйинимизни янада кучайтирди. Бу тажрибали ҳужумчи билан илгари "Бухоро"да бирга ўйнаганимиз учун ҳам бир-биримизни тушунишимиз осонроқ кечмоқда.

- Учрашувда "Динамо" қарши ҳужумлардан унумли фойдаланиб қолди.

- Кетма-кет муваффақиятсиз учрашувлардан кейин нима дейишга ҳам ҳайронман. Жамоага баъзида омад етишмаяпти, гоҳида яна нимадир камлик қиляпти. Пастки ўринларни тарк этиш учун барчамиз ҳаракат қиляпмиз. Менимча кейинги турларда ҳали ҳаммаси ижобий томонга ўзгарса керак.

- "Динамо" билан ўйиндан сўнг Андижонда қолиб Кубок ўйинига тайёргарлик кўрмоқдамиз. Шанба куни Самарқандда "Шердор" билан учрашув кутиб турибди. Шундан кейин эътиборимизни олий лиганинг 6-туридан ўрин олган "Локомотив"га қарши баҳсга қаратамиз.  


Исломбек Рустамбеков суҳбатлашди.