Андрей Микляев: "Чорак финалда "Ал Наср" билан ўйнашни истардим"

"Нимадан бошлашни ҳам билмайман. Ғалабадан хурсандмиз. Ўйин томошабоп бўлди. Менимча мухлислар ёқди. Вазиятлар бўйича биз устунлик қилдик. Ҳақли равишда ғолиб бўлдик. Барча футболчиларга раҳмат айтаман, улар мураббийлар штаби берган барча кўрсатмаларни яхши бажаришди. Бир оила бўлиб ғалаба қозондик", - дейди Микляев.

"Бугун бизнинг кунимиз эди. Ғалаба қозониб кейинги босқчига чиқдик. Барчани мухлисларни табриклайман", - дейди Жепаров.

- Иккала гол ҳам стандарт вазиятдан кейин урилди. Буни устидан ишланганми?
- Албатта. Замонавий футболда стандарт вазиятлардан фойдаланиш катта устунлик беради.

- Нега 90 дақиқа давомида бир хил ўйнай олмаяпсизлар...
Сервер Жепаров: - Бу чарчоқ билан боғлиқ. Футболчилар ҳам инсон улар ҳам чарчайди. Бутун ўйин давомида бир хил ўйнаш жуда қийин.

- Нагаев нега майдонга тушмади. Абдухолиқов чарчагани кўриниб қолганди...
- Регламент бўйича 3та футболчи алмаштира оламиз. Агар яна имкониятимиз бўлганида Иванни майдонга туширардик.

- Бугун "Локомотив" "Ал Ҳилол"нинг Ўзбекистондаги узоқ давом этган мағлубиятсиз сериясига барҳам бердинглар. Бу билан табриклаймиз. Биринчи ўйинда фақат ҳимояландинглар. Бугун эса буткул бошқача ўйин бўлди.
- Сабаби рақиб жуда тажрибали клуб эди. Шу боис сафарда асосан натижага эътибор қаратдик. Бугун эса мухлислар учун ҳам ўйнадик. Ғалаба қозонганимиздан хурсандамиз.

- Кейинги босқичда ким рақиб бўлишини истайсиз?
- Тўғрисини айтсам "Ал Наср" чиқса чорак финалда шу жамоа билан ўйнасак дейман (кулади).

Жепаров: - Ҳозирча бу ҳақда ўйлаганим ҳам йўқ. Ким тушишини фарқи йўқ. 


Нарзулла Сайдуллаев