Александр Хомяков: "Ўтган йилги чемпион билан тенгма-тенг ўйнадик"
03 mar 2017 19:22
News

Александр Хомяков: "Ўтган йилги чемпион билан тенгма-тенг ўйнадик"

Олий лиганинг 1-туридан ўрин олган "Машъал" - "Локомотив" (0:1) учрашувидан сўнг мезбонлар устози матбуот анжуманида иштирок этди.

"Барча мухлисларни янги мавсум билан табриклайман. Афсуски уларни бугун хурсанд қила олмадик. Улар бизни қўллашда давом этишсин, биз ғалаба қозониб хурсанд қилишга уринамиз. Ўтган йилги чемпионга қайсидир жиҳатда ютқаздик демаган бўлардим. Шунчаки гол ўтказган вазиятда консентрацияни йўқотиб қўйдик. Умуман олиб қараганда тенг кураш бўлди. Мухлисларга ёқди деб ўйлайман. Кейинги уй ўйинимизда мухлисларни хурсанд қиламиз деб ўйлайман.

Футболчиларга бугунги учрашув учун эътирозим йўқ", - дейди Хомяков.

"Машъал" матбуот хизмати