Акмал Рустамов: "Қизилқум" ҳимоявий футбол ўйнамоқда деб кўп гапиришяпти, мен ушбу фикрга қўшилмайман"

Иккинчи даврада зич тақвим бўлиб қолди. Шу сабабли ҳар уч ёки тўрт кунда ўйин ўтказяпмиз. Жисмоний ҳолатга таъсир қилмоқда. Шунинг учун ротация қилишга мажбур бўлдик. Футболчиларим майдонда борини берганлари учун раҳмат айтаман. Бугун ҳам иккита ёки учта яхши вазиятларга эга бўлдик. "Қизилқум" ҳимоявий футбол ўйнамоқда деб кўп гапиришяпти, мен ушбу фикрга қўшилмайман. Ҳимояда ўйнаган бўлсак ҳам, бугун рақибдан кўра яхшироқ ва хавфлироқ имкониятлар яратдик. Чемпионатимиз жуда рақобатбардош. Бугундан бошлаб кейинги баҳс ҳақида ўйлашимиз керак. Хоразмгача масофа анча узоқ. Бугунги учрашувни таҳлил қилиб, "Хоразм"га тайёргарлик кўрамиз." - деди Акмал Рустамов бугунги баҳс ҳақида.

- Зич тақвимга қарамай "Қизилқум" сизнинг қўл остингизда ҳали мағлубиятга учрамади. Бунинг сири нимада?

- Жамоани менга ишониб топширишганидан кейин биз бир оила бўлдик. Бир оила бўлиб ҳаракат қиляпмиз. Асосий сири шу.