Юрсинали Топволдиев: "Одил Аҳмедов каби футболчи бўлишни орзу қиламан"
25 sep 2018 20:47
News

Юрсинали Топволдиев: "Одил Аҳмедов каби футболчи бўлишни орзу қиламан"

“Нефтчи” (ёшлар жамоаси) - “Ифтихор” (1:1) жамоалари ўртасидаги назорат учрашувидан сўнг меҳмонлар футболчиси Юрсинали Топволдиев “championat.asia” сайтига интервью берди.

Бугун Фарғона давлат университети ўйингоҳида Суперлига вакили “Нефтчи” клубининг ёшлар жамоаси билан назорат-синов учрашувида майдонга тушдик ва 1:1 ҳисобида дуранг натижа қайд этдик. Бугун яхши учрашув ўтказдик деб ўйлайман. Айни дамда “Ифтихор” клубимиз Про-Лига “В” гуруҳи турнир жадвалида 6-ўринни эгаллаб турибди. Биз жамоамиз аъзолари билан ҳар бир учрашувда ғалаба учун астойдил ҳаракат қилаяпмиз, насиб этса мавсум якунида юқори ўринларни эгаллаймиз деган умиддаман.
Ўзбек футболида Одил Аҳмедов каби етакчи футболчи бўлишни орзу қиламан. Кунлар келиб ўз устимда янада кўпроқ ишлаб, Ўзбекистон терма жамоасида ўйнашни, терма жамоа таркибида жаҳон чемпионатларида майдонга тушиш истагим бор.

Бекзод Толибов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +10