Улуғбек Бақоев: “Тўғри биз кўп очко йўқотдик, лекин чемпионат энди бошланди”
14 mar 2020 19:07
News

Улуғбек Бақоев: “Тўғри биз кўп очко йўқотдик, лекин чемпионат энди бошланди”

Суперлиганинг 3-туридан ўрин олган "Қўқон-1912" - "Сўғдиёна" учрашувидан кейинги матбуот анжуманининг биринчи қисмида “Сўғдиёна” жамоаси устози Улуғбек Бақоев иштирок этди.

- Авваламбор, қўқонликларни ғалаба билан табриклайман. Бугун мухлислар жамоани юқори даражада қўллаб-қувватлаб туришди. Жамоага кейинги ўйинларда ҳам омад тилайман. Ўйин борасида гапирадиган бўлсам, шогирдларимнинг ўйинидан қониқдим. Улар мағлубиятга учраб турганига қарамай, шаштни туширишмади.

Бизнинг голни инобатга олмаган вазият бироз тушунарсиз бўлди, деб уйлайман. Ҳозир айрим ўйинчиларимиз йиғлаб ўтирибди. Биз футболни мухлислар учун ўйнаймиз. Футболда принцип бўлиши учун, гўзаллик бўлиши учун интилишимиз керак. Тўғри биз кўп очко йўқотдик, лекин чемпионат энди бошланди. Ҳозир хулоса чиқаришга шошилмаслик керак. Биз олдимизга қўйилган вазифадан қайтмаймиз", - дейди Улуғбек Бақоев.