Туркия терма жамоаси футболчилари ҳақида - Арда Турон

Терма жамоанинг етакчиларидан бири бўлган Арда Турон 1987 йилнинг 30 январь куни туғилган. У 2008 йил Европа чемпионатида бронза медалга эга бўлган.

Арда 12 ёшидан бошлаб "Галатасарой" клубида шуғулланишни бошлаган. 18 ёшида уни "Манисаспор"га ижарага берилган. Бир йилдан сўнг у яна ўз клубига қайтган ҳамда тезда асосий таркиб аъзосига айланди. Туронни ўйинлари туфайли "янги Георге Хаджи" деб аташарди. 2008 йилда у "Галатасарой" клуби билан бирга ўзининг илк чемпионлигини нишонлади.

2011 йил 10 августида у Мадриднинг "Атлетико" билан 4 йиллик шартнома тузди. Клуб 2012 йил Европа лигасида ғолиб бўлган.

Арда Турон Туркиянинг турли ёшдаги терма жамоаларида ўйнаган. Миллий терма жамоа сафида эса 2006 йилдан бошлаб иштирок этиб келмоқда. Шу кунгача у 64 та ўйинда майдонга тушиб 12 бор рақиблар дарвозасига гол урган.

Ютуқлари
Жамоавий
"Галатасарой" - Туркия чемпиони (2008), Туркия кубоги (2005), Туркия суперкубоги (2008).
"Атлетико" - УЕФА Суперкубоги (2012), Европа лигаси (2012), Испания кубоги (2013).
Евро 2008 бронза медал соҳиби

Шахсий
Туркия чемпионатида энг яхши ассистент (2009 йил 9та пас, 2010 йил 14 та пас)
Туркия чемпионатининг энг яхши футболчиси (2008, 2009)
IFFHS талқинига кўра 2009 йил Европанинг энг машхур футболчиси