Latest news

19:33Пепе Рейна фаолиятини якунлади: Афсонавий дарвозабон футбол билан хайрлашди  0 19:10Ўзбекистон Кубоги. "Сўғдиёна" – "Хоразм ФА" 4:0 (онлайн ҳисоб)  2 19:06Лига 1 2024/25 йилги мавсуми рамзий жамоаси эълон қилинди  1 18:41Тошкентда ютган мураббий ва футболчи, мавсумдаги илк ғалабага эришган посбон, "Жар"да супергол урган футболчи — Суперлигада 10-турнинг энг яхшилари  0 18:26Бундеслига 2024/25 йилги мавсуми рамзий жамоаси эълон қилинди  2 17:49Токотаев, Кичин, Алмазбеков, Мерк, Кожо... Қирғиз Республикасининг КХДР ва БААга қарши учрашувлар учун кенгайтирилган таркиби маълум  7 17:24Жиянов, Исмоилов, Бубанья, Жумаев ва бошқалар... Суперлига 10-тур рамзий терма жамоаси   0 16:43Дэвид Бекхэм Рубен Аморимнинг МЮдаги фаолияти ҳақида: "Уни қўллаб-қувватлаш керак, кейин натижани кўрасиз"  1 16:16ЎФА мураббийлар кенгаши йиғилишида МТЖнинг ЖЧ саралаши ва U-17 термасининг мундиалга тайёргарлиги муҳокама этилди  2 15:52Остон Ўрунов: "Ўтган мавсумдан сўнг етарлича дам олмаганим ва тиғиз тақвим туфайли мукаммал жисмоний ҳолатга кира олмадим"  11 15:27Кака Бразилия терма жамоасида Карло Анчелоттига ёрдам бериш истагини билдирди  3 14:59Ҳимояда ҳеч қандай муаммо бўлмайди. "Реал"нинг 4 нафар ҳимоячиси КЖЧда иштирок этиши мумкин  1 14:35Аббос Файзуллаев кечаги хатоси учун ЦСКА мухлисларидан кечирим сўради  11 14:08Агент Клоппнинг "Рома"га тайинлови масаласида баёнот берди  3 13:44ЎФА вакиллари "Шўртан" футбол академиясида бўлди  0

Учта ўйинда 14:1, саудияликлар фойдасига. ОЧЛ Элит кубоги Саудияда қоладими? News

Учта ўйинда 14:1, саудияликлар фойдасига. ОЧЛ Элит кубоги Саудияда қоладими?

Марказлашган тартибдаги Элит Осиё чемпионлар Лигасининг чорак финал ўйинлари тўлиқ Саудия Арабистони клублари устунлигида кечди.

Бемалол айтиш мумкин, Саудия чемпионати ҳам кучлилиги, ҳам томошабоплиги бўйича қитъада етакчи ўринга кўтарилиб олди. Авваллари Япония чемпионати кўп тилга олинарди, кейинги ўринда Жанубий Корея, Эрон лигалари этироф этилган бўлса, эндиликда жуда кўпчилик Саудия чемпионатини биринчи ўринга қўймоқда ва Саудия Пролигаси ҳатто Европанинг айрим давлатларига пулли тансляция қилинмоқда.

Элит ОЧЛда бугун ярим финалнинг илк учрашуви бўлиб ўтади. Унгача чорак финалда қайд этилган натижаларни яна бир карра эслаб ўтсак. 

"Ал Ҳилол" - "Гвангжу ФК" 7:0

"Ал Аҳли" - "Бурирам Юнайтед" 3:0

"Йокогама Маринос" - "Ал Насср" 1:4

"Кавасаки Фронтале" - "Ал Садд" 3:2

ОЧЛ Элит чорак финалга Саудиянинг учта клуби чиққан бўлса, ҳар учаласи йирик ҳисобда ғалаба қозонди. Айниқса мамлакат гранди "Ал Ҳилол" Жанубий Кореянинг "Гвангжу ФК" клубига умуман имкон қолдирмай 7:0 ҳисобида зафар қучди. 48 минг мухлис кузатиб борган "Қирол Абдуллоҳ" стадионида кечган баҳс тўлиқ саудияликлар устунлиги остида ўтди. 

Ўйинда Милинкович-Савич, Маркос Леонардо, Салим Ал Довсари, Александр Митрович, Мальком, Носир Ал Довсари ва Абдуллоҳ Ал Ҳамдан томонидан киритилган голлар "Ал Ҳилол"га 7:0ни тақдим этди. Эътиборлиси, бу ўйинда ҳеч ким дубл ёки хет-трик қилмади.

Эртаси кун шу стадионда "Ал Аҳли" Таиланднинг "Бурирам Юнайтед" клубини қабул қилиб, 3:0 ҳисобида зафар қучди. Ўйинда Рияд Маҳрез тезкор гол киритиб ҳисобни очди. Орадан икки дақиқа ўтиб Галено ҳисобни 2:0 кўринишга келтирди. 30-дақиқада урилган Роберто Фирминонинг голи эса яна бир йирик ғалабани таъминлади.

Япониянинг "Йокогама Маринос" клубига қарши баҳс олиб борган "Ал Насср" ҳам ўз ўйинини йирик ғалаба билан тамомлади. Жон Дуран иккита тўп киритган учрашувда Садио Мане билан Криштиану Роналду ўз ҳисобига биттадан гол ёзиб қўйди. Японияликлар "Ал Насср"нинг тўртта голига фақат бир марта жавоб бера олишди.

Шундай қилиб чорак финалга чиққан Саудиянинг учала клуби ҳам дастлабки вазифани уддалаб ярим финалга йўл олди. Қизиғи шундаки, учта ўйинни қўшиб ҳисоблаганда Саудия жамоалари 14:1 ҳисобида ғалаба қозонди. Бунга факторлар етарлича. Биринчидан, барча учрашувлар Саудия Арабистонида ўтказиляпти. Иккинчидан, Саудия клублари шундоқ ҳам Осиёда кучли бўлиб олди. Агар аввалги тизим қолиб уй-меҳмон шаклида ўтказилганида бундай йирик ҳисоблар қайд этилмаслиги ҳам мумкин эди.


Бугун ОЧЛ Элитда ярим финалнинг илк учрашуви ўйналади. Тошкент вақти билан соат 21:30да "Ал Аҳли" ва "Ал Ҳилол" ўртасидаги баҳс старт олади. Ярим финалнинг иккинчи учрашуви эртага "Ал Насср" ва Япониянинг "Кавасаки Фронтале" клублари ўртасида бўлиб ўтади. Бу ўйин ҳам 21:30га белгиланган.

Мураббийлар фикри

Бугунги учрашув олдидан ташкил этилган матбуот анжуманида ҳар икки жамоа устозлари ўз фикрларини билдириб ўтди.

Жорже Жезус ("Ал Ҳилол" бош мураббийи): - Иккита буюк жамоа тўқнаш келмоқда. Биз бир-биримизни жуда яхши биламиз. Тайёргарлик ҳам шунга яраша бўлди. Ўйлайманки, ўйин жуда юқори суръатда кечади. Бор кучимизни ишга солсак, ютишимизга ишонаман. Биз ҳеч нарсани ўзгартирмаймиз. Фақат Жоао Канселунинг жароҳат олиб сафдан чиққани чатоқ бўлди. Шифокорларимиз унинг 4-6 ҳафта ўйнай олмаслигини айтишди. Бошқа ҳеч қандай муаммо йўқ.

Маттиас Жэссли ("Ал Аҳли") бош мураббийи: - Рақибни жуда яхши биламиз ва ҳурмат қиламиз. "Ал Ҳилол" охирги уч йилдан бери кучли ўйин намойиш этиб келмоқда. Лекин мен ҳам ўз жамоам ўйинидан қониқяпман. Жидда бизнинг шаҳримиз ва бу ерда мухлисларимиз ниҳоятда кўп. Бу ҳам бизга устунлик бериши мумкин. Ўйлашимча, ўйин тақдирини майда деталлар ҳал қилади. Февраль ойида "Ал Ҳилол"ни мағлуб этгандик, буни яна такрорлай     олишимизга ишонаман.

1/2 финал. 29 апрель. 21:30. "Қирол Абдуллоҳ" стадиони

"Ал Ҳилол" - "Ал Аҳли"

Бош ҳакам: Адҳам Махадмеҳ (Иордания)

1/2 финал. 30 апрель. 21:30. "Қирол Абдуллоҳ" стадиони

"Ал Насср" - "Кавасаки Фронтале"

Бош ҳакам: Алиризо Фағоний (Австралия)


Rating: +1   

Comments

   
30 apr 09:24:48
QosimNozimBavariyaChmpn
Saudiya ligasi. Qiziq buncha pulni qayerdan olopdi bu arabla.
Faqat neft demangla hamma joyda neft bor
   
29 apr 22:40:12
Xojakbar Xaitov
Reply to comment by Адхамжон Низамов
Саудия клублари легионерлар хисобига кучайиши мумкин.Лекин буни таъсирида Саудия МТЖ кучсизланади
Уларга хозир зборный керакмас буйокдан катта даромат кевотти
   
29 apr 22:38:47
Xojakbar Xaitov
Reply to comment by Azizbek Rustamovich
Ahmoqona tizim. OFK faqat Saudlar manfaati uchun xizmat qiladi. Markazlashgan tizimi nimasi. Imenno salqin havoda o‘ynab o‘rgangan koreys, yaponlar markazlashgan tizimda safarda jaziramada o‘ynashi kerak. 18ta saud jamoasi uchun elit liga tashkil etib beraqolish kerak
Гапиз тугри коган камандалага тупуриб куйишган
   
29 apr 22:15:45
Azizbek Rustamovich
Ahmoqona tizim. OFK faqat Saudlar manfaati uchun xizmat qiladi. Markazlashgan tizimi nimasi. Imenno salqin havoda o‘ynab o‘rgangan koreys, yaponlar markazlashgan tizimda safarda jaziramada o‘ynashi kerak. 18ta saud jamoasi uchun elit liga tashkil etib beraqolish kerak
   
29 apr 21:53:31
Odilbek Abdushukurov
Reply to comment by Адхамжон Низамов
Саудия клублари легионерлар хисобига кучайиши мумкин.Лекин буни таъсирида Саудия МТЖ кучсизланади
To‘g‘ri. Ularga o‘yin amaliyoti kam beriladi va terma jamoasi kuchsizlanadi.
   
29 apr 21:52:34
Odilbek Abdushukurov
Reply to comment by Jasurbek Kazakbayev
Alirizo fagʻoniy eronlik emasmi
1-2 yil oldin Avstraliyaga ko‘chib ketgan va fuqaroligini olgan.
   
29 apr 21:11:39
Odiljon Rasulov
Reply to comment by Jasurbek Kazakbayev
Alirizo fagʻoniy eronlik emasmi
Асли Эронлик лекин Австралия фукоролигини олган
   
29 apr 21:02:30
Jasurbek Kazakbayev
Alirizo fagʻoniy eronlik emasmi
   
29 apr 21:01:45
Fayzullo
Reply to comment by Адхамжон Низамов
Саудия клублари легионерлар хисобига кучайиши мумкин.Лекин буни таъсирида Саудия МТЖ кучсизланади
Фойдасиям бор ишонч ортади
   
29 apr 20:41:58
Ulugbek Xasanov
Anchagina katta sarmoya kiritilgandan keyin natijasi ham boʻlishi kerak
   
29 apr 20:34:14
Адхамжон Низамов
Саудия клублари легионерлар хисобига кучайиши мумкин.Лекин буни таъсирида Саудия МТЖ кучсизланади
championat.asia
< show latest news
Яндекс.Метрика