Тур иқтибослари: "Насаф"ни яна етакчилар тарк этишига тайёр эмасман" ёхуд "Бунёдкор"нинг даражасидан пастга тушишга ҳеч бир футболчига рухсат йўқ"

"Насаф" бош мураббийи Рўзиқул Бердиев юзага келган молиявий қийинчиликлар натижасида жамоани яна етакчилар тарк этадиган бўлса, бунга тайёр эмаслигини ошкора маълум қилди.

"Агарда яна етакчиларимизни йўқотадиган бўлсак, унда шуни айтишим мумкинки, бу жамоа учун жуда оғир бўлади. Мен мураббий сифатида ҳам бунга тайёр эмасман" (c) Рўзиқул Бердиев 

"Бунёдкор" устози Миржалол Қосимов молиявий қийинчиликларга қарамасдан жамоадаги тартиб қандай сақлаб турганини сирини очди ҳамда футболчилар ва ўз олдига қандай талаб қўйиши ҳақида сўзлади.

"Бунёдкор"да тартибни қандай сақлаяпман? 120талик михим бор. (кулади) Ҳар қандай ҳолатда ҳам қўл остимдаги футболчиларга "Бунёдкор"ни даражасидан пастга тушишига рухсат бермайман" (c) Миржалол Қосимов 

"Пахтакор" бош мураббийи Шота Арвеладзе жамоада аниқ ўйин услуби ва чизги борлигини маълум қилди.

"Мен жамоа ўйинини ҳужумкор ва ҳимоя билан балансни ушлаган ҳолда йўлга қўйишни истайман ва "Пахтакор"нинг ҳозирги ўйин услуби шундай. Аввало ўз жарима майдончамиз олдида ўтириб қолишни истамайман. Бизда ўйин чизгиси аниқ кўриниб турибди. "Пахтакор" доим учрашувни ўз назорати остида ўтказиши лозим. Бизнинг ўйин шунга қурилган" (c) Шота Арвеладзе