Сколари Бренога фаолиятини тиклашга имкон бериш керак деб ҳисоблайди

Эслатиб ўтамиз, футболчи ўз уйини ёқиб юборгани учун булгиланган жазо муддатини ўтамоқда. Суд томонидан унга 3 йилу 9 ойлик қамоқ жазоси тайинланган.

"Мен Брено масаласини яна бир бор кўриб чиқишларини ва у яна бир имконият берилишига муносиб ёки йўқлигини муҳокама қилишларини истардим. Баъзан хатолар қиламиз. Белгиланган жазони тўлиқ ўтаганда эса вақт шафқатсизларча ўтиб кетаверади. Уни қайтариб бўлмайди. Сўнгра биз ўз ишимизга қайтишга имкон тополмаймиз. Бизнинг илтимосимизни керакли муассасалар эътиборга олишларини жуда хоҳлардим", деди Сколари.