Шуҳрат Мақсудов Ўзбекистон олимпия терма жамоаси бош мураббийи!?
05 dec 2013 16:23
News

Шуҳрат Мақсудов Ўзбекистон олимпия терма жамоаси бош мураббийи!?

Айни пайтда ПРО лицензияси учун тахсил олаётган мураббий - Шуҳрат Мақсудов катта эҳтимол билан Ўзбекистон олимпия терма жамоаси бош мураббийи этиб тайинланди.

Ушбу лавозимга Алексей Евстафеев, Дилшод Нуралиев ва Мурод Исмоилов каби мутахассисларнинг номзодлари қўйилган эди. Камолиддин Алимов билан суҳбатда мураббий ўзини номзодлар ичида борлигини айтиб ўтган. Юқоридаги номзодлар эса олимпия терма жамоасида катта мураббий сифатида фаолият юритишлари ҳам мумкин.

1993 йилда туғилган футболчилардан иборат бўлган олимпия терма жамоаси 2014 йил январь ойида Санкт-Петербург шаҳридаги МДҲ кубогида иштирок этиши кутилмоқда. Бундан ташқари кейинги йил ёзда (17-31 июль оралиғида) 2015 йилги ёшлар ўртасидаги Осиё чемпионати (U22) саралашида ҳам шу жамоамиз иштирок этади. 2014 йил сентябрь ойи иккинчи ярмида Инчонда бўлиб ўтадиган Осиё ўйинларида ҳам мана шу терма жамоа қатнашиши кутилмоқда.

Кўриб турганингиздек янги олимпия терма жамоамиз учун 2014 йил мусобақаларга бой бўлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: