ПСЖ бош мураббийига “Реал“ футболчиси керак
21 jul 2025 11:05
News

ПСЖ бош мураббийига “Реал“ футболчиси керак

Франциянинг ПСЖ клуби бош мураббийи Луис Энрике “Реал“ ярим ҳимоячиси Эдуардо Камавингани сотиб олмоқчи.

Бу ҳақда Marca нашри хабар берди.

Манба берган хабарга кўра, испаниялик мутахассис франциялик футболчи ПСЖ ярим ҳимоясини кучайтириб, жамоага барқарор ўйин кўрсатишига имкон беради, деб ҳисобламоқда. Шу билан бирга “Реал“ франциялик футболчини сотишга тайёр.

Эслатиб ўтамиз, Камавинга Мадрид клубида 2021 йилдан буён тўп сурмоқда. Футболчининг “Реал“ билан амалдаги шартномаси 2029 йилнинг июн ойи охиригача амал қилади. Ўтган мавсумда франциялик ярим ҳимоячи барча турнирларда 35 та ўйинда иштирок этиб, 2 тадан гол ва голли узатма амалга оширган.