Саудия Арабистонига қарши қандай таркиб кўришни истайсиз?
15 jan 2015 17:17
News
![](https://championat.asia/upload/storage/158567_original.jpg)
![](/upload/storage/158567_220.jpg)
Саудия Арабистонига қарши қандай таркиб кўришни истайсиз?
Ҳар бир таркиб тузган ўқувчи, ўзининг хулосасини ҳам бериши шарт. Масалан:
Дарвозабон: Игнатий Нестеров
Ҳимоячилар: Виталий Денисов, Егор Кримец, Анзур Исмоилов, Шуҳрат Муҳаммадиев.
Ярим ҳимоячилар: Сардор Рашидов, Азиз Ҳайдаров, Одил Аҳмедов, Жамшид Искандеров, Сервер Жепаров.
Ҳужумчи: Игорь Сергеев
Ҳозир дарвозабонни ўзгартирадиган вазият эмас. Суюнов ва Тўраев муҳим ўйин арафасида ўзини йўқотиб қўйиши мумкин. "Пахтакор" Ўзбекистон чемпионатида энг кам гол ўтказган жамоа ва йил давомида ҳимоя марказидан муқим жой олган Егор Кримец бош билан ўйнаш ҳадисини олган. Бугунги терма жамоамизнинг бурчак зарбаларида рақибни қўрқитадиган футболчи йўқ. Кримей эса айни муддао. Муҳаммадиев бўлса пенальти ишлашга уста.
Ҳайдаров таянчга жавоб беради, Искандеров ва Рашидов икки қанотни эгаллаши лозим. Жамшид ўртадан ҳам кириб бориш ҳусусиятига эга. "Локомотив" билан ўйинини ёдга олинг. Аҳмедов ўртада эркин ижодкор, Жепаров ҳам марказ, ҳам ҳужумни боғлаши лозим. Кези келганда ўнгга ўтиб, қанот ярим ҳимоячиси билан алмашиб туради. Олд чизиқда Игорь Сергеев. Хитойга қарши ўйинда Сергеевга айнан Искандеров етишмади. Бу икки футболчи 2006 йилдан бери бирга тўп тепиб келишади. Бир-бирини сўзсиз тушунади.
Энди навбат сизга, ҳурматли ўқувчи.
![AMP Logo](https://championat.asia/image/logo-amp.png)
Comments