Latest news

19:55Суперлига. "Бунёдкор" "Бухоро"ни мағлуб этди ва пешқадамга айланди  18 19:51Англия Кубоги ярим финалининг тақвими тасдиқланди. "Манчестер Сити" учрашуви қайси вақтда бошланади?  1 19:30Эшпириту Санту ушбу мавсумда 3-марта АПЛда ойнинг энг яхши мураббийи деб топилди  0 19:06ЎФА ва "Локомотив" Равшан Муқимовни тақдирлади  0 18:54Ўзбекистон Кубоги. "Хоразм ФА" ишончли ғалабага эришди, "Лочин" "Дўстлик" билан ўйинда камбэк қайд этиб, Суперлига жамоалари билан тўқнаш келадиган бўлди  1 18:37“Сурхон” — “Қўқон-1912”. Асосий таркиблар маълум  5 18:14"Барса" яна молиявий муаммолар гирдобида: клуб Ямални сақлаб қолиш учун Араухони сотишга мажбур  23 17:45"Ливерпуль" ва "Челси" испаниялик футболчи трансфери учун курашга киришмоқда  1 17:04Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"  1 16:43Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз"  0 16:17"Сити" афсонаси жамоадан кетаётганини эълон қилди!  20 15:59Португалиялик футбол агенти Файзуллаевнинг "Бенфика"га трансфери масаласида фикр билдирди  15 15:37Бруну 5-марта ва 2020 йилдан бери илк бор АПЛда ойнинг энг яхши футболчиси бўлди  2 15:16Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"  7 14:55Нойер қайтди!  0

Рўзиқул Бердиев "Насаф"дан кетадими? Бу йил жамоага нима етишмади? "Насаф" бош директори билан суҳбат News

Рўзиқул Бердиев "Насаф"дан кетадими? Бу йил жамоага нима етишмади? "Насаф" бош директори билан суҳбат

Ўтган дам олиш кунлари 2019 йилги Суперлигада сўнгги тур ўйинлари бўлиб ўтди ва чемпионат якунига етди.

Биронта легионерларсиз мавсумни ўтказган Қаршининг "Насаф" клуби мавсумни 7-ўринда якунлади. Биз клуб бош директори Сергей Кучеренко билан йил якунлари, янги мавсум учун режалар ҳақида суҳбатлашдик.

- "Насаф" 2019 йилги Суперлигани 7-ўринда тугатди. Раҳбарият бу натижадан қониқдими?

- Йўқ, албатта қониқмадик. Сабаби "Насаф" ҳеч бўлмаганда 3-ўрин учун курашиши лозим. Эътибор қилган бўлсангиз мавсум давомида етакчи клубларнинг барчасига қарши муносиб ўйнадик, ғалабалар ҳам бўлди. Бироқ ўзимиздан пастдаги жамоалар билан баҳсларда имкониятни бой бериб қўйдик. "Насаф"га характер етишмади, бизда ўйиннинг боришини ўзгартириб юбора оладиган футболчи йўқлиги кўриниб қолди.

Мавсумда ўзимизга ярашмаган ўринни эгаллаганимизга кўплаб сабаблар бор. Масалан, кўплаб футболчиларимиз олимпия терма жамоамиз сафида қатор йиғинларда қатнашишди. Кўп ишласа хатто машиналар ҳам бузилади, булар эса оддий йигитлар. Мавсум охирларида чарчоқ аломатлари ҳам албатта сезилди. Бир нарсани ёзиб қўйишингизни сўрардим: "Насаф" ҳар доим турли терма жамоаларга футболчи етказиб беришдан хурсанд бўлади ва шундай ишлашда давом этади.



- Кейинги мавсум учун режалар қандай? Жамоа қачон 2020 йилги мавсумга тайёргарликни бошлайди?

- Янги мавсумга тайёргарликни 14-15 декабрь кунлари бошлашни режалаштираяпмиз. Янги йил байрамига қадар бўладиган йиғинда олимпиячилар қатнашишмайди. Сабаби Ўзбекистон олимпия терма жамоаси декабрь ойида ҳам хорижда йиғин ўтказади. Шу боис U-21 жамоамиздан кўплаб футболчиларни асосий таркиб билан машғулотларда синаб кўрамиз, уларнинг ҳолатига баҳо берамиз. Балки таркибда янги футболчилар ҳам бўлиши мумкин. Балки қайсидир футболчилар жамоамизни тарк этар, кимларнидир ижарага берармиз. "Пахтакор", "Навбаҳор" каби клублар футболчиларимизга таклиф билан чиқишмоқда. Барчасини бафуржа ўрганиб чиқамиз ва барча учун оптимал вариантни танлаймиз. Ҳаёт давом этаверади.

- Рўзиқул Бердиев борасида қандай фикрдасиз? У клубда қоладими?

- Рўзиқул Бердиевнинг шартномаси йил якунида тугайди. Нафақат унинг, бутун раҳбариятнинг шартномаси йил сўнггида якунига етади. Бизда фақат футболчиларнинг шартномалари узоқ муддатли. Раҳбарият Бердиевга ишонади ва унинг клубда қолишини хоҳлайди. Йил сўнггида мураббий билан музокара ўтказамиз ва якуний қарорга келамиз. Биз унга яхши шароит яратиб беришга ва совринли ўринлар учун кураша оладиган жамоа қуришига ёрдам бермоқчимиз. 

- Янги мавсумдан олдин таркибга кучли футболчилар ҳам қўшиб олинадими ёки асосий урғу барибир академия тарбияланувчиларига қаратиладими?

- Ҳозир 2020 йилги мавсум учун сметамиз тасдиқланишини кутаяпмиз. Барчаси мана шунга боғлиқ. Биз ҳам "Насаф"га кучли футболчиларни келишини ва юқори ўринлар учун курашишни истаймиз, аммо фақат истак билан иш битмайди. Академия тарбияланувчиларига келсак биз доим уларга ишонамиз ва яқин йилларда яна кўплаб ёш футболчиларни асосий таркибда кўрамиз деб умид қиламан.


Нарзулла Сайдуллаев ёзиб олди

Rating: +36   

Comments

championat.asia
< show latest news
Яндекс.Метрика