Бахтиёр Ашурматов: “Пахтакор яққол фаворит, лекин "Бухоро" охиригача курашади”

Таниқли мураббий Бахтиёр Ашурматов финал олдидан ўйин ҳақида ўз фикрларини билдирди:

“Кубок мусобақаларида ҳар доим кутилмаган натижалар бўлади. “Бухоро” ҳам меҳнат ва омад туфайли финалгача етиб келди. Улар бугун ҳам охиригача курашишади, бунга шубҳам йўқ. Аммо менинг фикримча, "Пахтакор" фаворит ва бугун Кубок соҳиби бўлади деб ўйлайман.”

Шу билан бирга, мураббий “Бухоро” жамоаси устози ҳақида ҳам ижобий фикр билдирди:

“Бош мураббий Хомяковни меҳнаткаш ва изланувчан мутахассис деб биламан. У жамоасини ҳар томонлама яхши тайёрлай олган. Бироқ ‘Пахтакор’нинг таркиби кучлироқ ва айнан шу жиҳат ўйин тақдирини ҳал қилиши мумкин.”

Сўнг Ашурматов мухлисларга мурожаат қилиб, финалдан қизиқарли ва мазмунли ўйин кутаётганини таъкидлади:

“Энг муҳими, бугун мухлислар учун манзур бўладиган, жозибали футбол кўрсатилади деган умиддаман. Иккала жамоага ҳам омад тилайман”.