Превью. "Машъал" - "Обод"

«Машъал» (Муборак) – «Обод» (Тошкент)
10 июнь 2016. Муборак. Баҳром Вафоев номидаги стадион. 19:00
Ҳакамлар: И. Танташев (Бухоро), С. Ҳакимов (Самарқанд), С. Еремеев (Тошкент), Ш. Ражабов (Бухоро)
Назоратчи: Р. Серазетдинов (Тошкент).
УзПФЛ вакили: Н. Лутфулин.

“Машъал” ва “Обод” клублари биринчи бор олий лигада тўқнаш келишади.

“Обод” дастлабки турни Қўқонда ўтказиб 0:1 ҳисобида мағлубиятга учради. Иккинчи турни ўз уйида “Бухоро” билан нурсиз дуранг қайд этди – 0:0. Кейин Қаршида “Насаф” билан баҳсда 0:1 ҳисобида имконият бой берилди. Ниҳоят тўртинчи турда Тошкент клуби олий лигада дастлабки голларини уришга эришди. “Қизилқум”га қарши ўйинда 2:2 ҳисоби қайд этилди. 5-турда тошкентликлар Бекободда 1:2 ҳисобида имкониятни бой бериб қўйишди. 7-турда “Обод” Тошкент дербисида “Бунёдкор”дан 0:4 ҳисобидаги мағлубиятни қабул қилиб олганди. Кейинги турда жамоа ўз уйида “Локомотив” билан тўқнаш келиб ютқазди – 0:2. Фарғонада эса “Обод” 0:1 ҳисобида мағлуб бўлган. Ўтган турда тошкентликлар олий лигадаги тарихий, биринчи ғалабани қўлга киритишди. “Сўғдиёна”ни қабул қилган “Обод” 2:1 ҳисобида ғолиб бўлди.

“Машъал” бу мавсумда ҳозирча 2та ғалаба (“Навбаҳор”, “Шўртан”), битта дуранг (“Бунёдкор”) ва 7та мағлубият қайд этди. 9та гол уриб 16та гол ўтказди. 7 очко билан мусобақа жадвалининг 14-поғонасида бормоқда.

Факт: “Машъал” ўз майдонидаги 4та ўйинда умуман дуранг ўйнамаган: 2 ғалаба ва 2 мағлубият. “Обод” сафарда 5та ўйин ўтказди ва 5 бор мағлуб бўлди.