"Пахтакор" клуби Колосовскийнинг истеъфосини ва Ҳайдаров янги мураббий бўлганини тасдиқлади
06 apr 2017 12:13
News

"Пахтакор" клуби Колосовскийнинг истеъфосини ва Ҳайдаров янги мураббий бўлганини тасдиқлади

Бироз аввал сайтимиз орқали "Пахтакор" клуби Григорий Колосовскийни истеъфога чиқаргани, кейинроқ Равшан Ҳайдаров янги бош мураббий бўлгани ҳақида хабар берган эдик.

"Пахтакор" ушбу маълумотларни тасдиқловчи қуйидаги хабарни клуб расмий сайтига жойлаштирди.

Мавсум бошидаги қониқарсиз натижалар сабабли "Пахтакор"да бош мураббий ўзгарди.

Клуб раҳбарияти Григорий Колосовскийни "Машъал"га бой берилган учрашувдан кейин истеъфога чиқариш ҳақида қарор қабул қилди. Унинг ўрнига "Пахтакор"га бегона бўлмаган Равшан Ҳайдаров бош мураббий этиб тайинланди. Равшан Акмалович 2006-07 ва 2010-11 йилларда ҳам жамоамизга устозлик қилган. Бош мураббий сифатида "Пахтакор" билан икки мартадан Ўзбекистон чемпионати ва Кубогида ғолиб чиққан.

Равшан Ҳайдаровга жамоа бош мураббийи лавозимида омад тилаймиз. Умид қиламизки, у бизни яна муваффақиятлар сари бошлаб боради.

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: -76