Норвегия термасининг 15 ёшли футболчиси Евросаралашлар тарихидаги энг ёш ўйинчига айланди

15 ёшли футболчи Болгария терма жамоасига қарши учрашувда (2:1) 64-дақиқада захирадан майдонга тушиб, Евро-2016 саралашидаги илк ўйинини ўтказди.

Шундай қилиб, 15 ёшу 300 кунлигида терма жамоа либосида майдонга тушган Эдегор Европа миқёсида рекорд қўйди.

Қайд этиш жоиз, «Стремсгодсет» ўйинчиси миллий терма жамоада аввалроқ – 27 август куни БАА термасига қарши кечган баҳсда (0:0) дебют қилиб бўлганди.

Эътиборли томони, Мартин Эдегор Норвегия чемпионатида гол урган энг ёш футболчи ҳам ҳисобланади.