Мирзоҳид Мирзамаҳмудов: "Локомотив-БФК" кучли ўйин намойиш этди"
14 nov 2018 21:48
News

Мирзоҳид Мирзамаҳмудов: "Локомотив-БФК" кучли ўйин намойиш этди"

Tags : Ёзёвон-лочинлари Мирзоҳид Мирзамаҳмудов

Про-Лига 35-туридан ўрин олган "Ёзёвон-Лочинлари" - "Локомотив-БФК" (2:1) учрашувидан сўнг мезбонлар футболчиси Мирзоҳид Мирзамаҳмудов “Championat.asia" сайтига интервью берди.

Бугунги ўйин менда катта таассурот қолдирди - дейди Мирзоҳид Мирзамаҳмудов. Чунки бугунги ўйинни кузатган мухлислар гувоҳ бўлишди, бу учрашувда осон ғалаба қозонмадик. "Локомотив-БФК" турнир жадвалида сўнгги ўринни эгаллаб турган бўлсада, улар бугун жуда кучли ўйин намойиш этишди. Бугунги ғалаба билан барча мухлисларимизни табриклайман.

Келажакда насиб қилса ўйинларимни янада кучайтириб Суперлига клубларида ўйнаш ниятим бор. Лекин ҳозир бизда яна битта ўйин бор, сафарда "Хотира-79" жамоасига қарши майдонга тушамиз. Мана шу учрашувда ҳам ғалаба қозониш учун астойдил ҳаракат қиламиз.

Бекзод Толибов ёзиб олди.