Latest news

11:40Жон Стоунз: "Олдинда яна 90 дақиқа бор ва биз вазиятни ўз фойдамизга тўғрилашимиз мумкин"  2 11:15«Барселона» ПСЖ футболчисини сотиб олмоқчи  5 10:48«Арсенал» ёзда 7 нафар футболчиси билан хайрлашишга тайёр  4 10:35Қосимов «Қўқон-1912» жамоасига ўтишга яқин  3 10:00Осиё кубоги. U-20 терма жамоамиз эртага ўз юришини бошлайди. Яманга қарши қандай либосда ўйнашимиз маълум  5 09:40Анчелотти иродали ғалабадан сўнг нималар деди?  16 09:14Виниcиус «Ман Сити» мухлисларининг осган баннери ҳақида фикр билдирди  26 08:48Бугун ўсмирларимиз Марокашга қарши баҳс олиб боради  5 08:15Икки ярим ой аввал «Қизилқум» билан хайрлашган легионер жамоага қайтмоқда  0 07:50Гвардиола «Реал Мадрид»ган учралган мағлубиятнинг асосий сабабини маълум қилди  48 06:55"Реал" сўнгги дақиқаларда жуда қийин ғалабани қўлга киритди  25 03:00ЕЧЛ. "Ювентус" қийинчилик билан ПСВни мағлуб этди, "Боруссия Дортмунд" эса илк ўйиндаёқ кейинги босқич масаласини деярли ҳал қилди  22 02:58ЕЧЛ. Даҳшатли ўтган ўйинда "Реал"дан 90+2-дақиқада камбэк, Холанднинг дубли ҳам "Сити"га ёрдам бермади  560 01:31"Ал Насср" январда Нуньес учун 75+ млн евро ва бонуслар таклиф қилди, аммо...  2 00:55Пеп Гвардиола нега Грилишни асосий таркибга қўйди?  3

Миржалол Қосимов: "Яйпанда автобус ишлаб чиқарилмайди, тўғрими? Ўйин бошланмасиданоқ "Турон" жуда зўр автобус қўйди" News

Миржалол Қосимов: "Яйпанда автобус ишлаб чиқарилмайди, тўғрими? Ўйин бошланмасиданоқ "Турон" жуда зўр автобус қўйди"

Coca Cola Суперлигасининг 11-тури доирасидаги "Турон" - ОКМК учрашувидан сўнг меҳмонлар бош мураббийи Миржалол Қосимов матбуот анжуманида қатнашди.




Ўйин ҳақида

- Бугунги ўйинда икки очко йўқотдик. Ўйин давомида учрашув тизгини бизнинг назоратимизда эди. Пенальти ва қизил карточкага қарамасдан ҳаракат қилдик, аммо гол ура олмадик. Бир очко насиб қилган экан, шунга ҳам шукур. Олмалиқдан келган мухлисларимизга миннатдорчилик билдираман. Ўйин мухлисларга ёқди. 

- Боаке биринчи таймда унчалик ҳам ўйнолмади. Шу ҳолатда Рубен Санчесни майдонга туширсангиз бўлмасмиди...

- Ўйиндан кейин ҳар хил таклиф бериш мумкин. Бу энг осони. Яйпанда автобус ишлаб чиқарилмайди, тўғрими? Ўйин бошланиши биланоқ "Турон" жуда зўр автобус қўйди. Биринчи бўлимга икки дақиқа қўшиб берди. Бу адолатданми? Биз бу ерга футбол ўйнагани келганмиз. Мухлислар эса томоша қилгани. Бироқ, биринчи дақиқаларданоқ ҳимояга ётиб олиш бизга тўғри келмайдиган иш. Бу нолиш эмас. Дарвозабон икки марта ётиб олган бўлса, бунга беш дақиқа кетди. "Турон" жуда зич ҳимояланди. Шу сабаб ҳам Боаке биринчи бўлимда кўринмади. Ҳисоб 1:0 пайтида гол урганимизда бу ҳамма саволга жавоб бўларди.

- Комилов ва Денисовнинг ўрин алмашиши сизнингча қай даражада ўзини оқлади?

- Ҳар қанақа вазият бўлади. Кимнингдир ўйини қовушмаслиги бу инсон фактори. Акромда қандайдир ҳаяжон бўлди. Ҳозир кимдир ёмон ўйнади дея олмайман. Бизнинг жамоада ҳамма ютади, ҳамма ютқазади. 

- Биз Миржалол Қосимовнинг ўйинларини кўриб катта бўлганмиз. Жарима зарбалари йўллаётган пайтингиз гол бўлишига деярли шубҳа қилмасдик. Ўзбек футболидаги ёшлар ораси ўзингизга муносиб издош кўрмоқдамисиз?

- Масалан, Жалолиддинов яхши тепади. Бор бундай ўйинчилар. Чиқсин бундай ўйинчилар. Бу шахсий нарса эмас, бу миллат юзи. Биздан ҳам кучли футболчи бўлишларини тилаб қоламиз. 

- Миржалол ака, сиз Собиқ Иттифоқ термасида ўйнагансиз. Аргентинада бошланган Жаҳон чемпионатида терма жамоамиз имкониятларини қандай баҳолайсиз?

- Тўғриси, башорат беришни ёқтирмайман. Лекин, бемалол яхши натижа қилишлари мумкин. Бундай ўйинларда дарвозабон вазиятларни бартараф этса, бу жамоага далда бўлади. Кеча йигитлар яхши ўйин кўрсатишди. Ҳамма нара босқичма-босқич бўлади. Ҳозирги биринчи масала гуруҳдан чиқиб олиш. Мен бу йўлда жамоамизга омад тилаб қоламан. Қолгани Аллоҳдан. Кўп нарса омадга ҳам боғлиқ. Жамоа яхши шаклланган. Улар Осиё чемпиони сифатида ҳаракат қилишади. Ҳеч нарса йўқотилмади, жуда мазмунли ўйин кўрсатишди. Нодирбек Абдураззоқовда ҳам охирги сонияларда имконият бор эди. Шу вазиятлардан фойдаланилса, ёмон бўлмайди.

Rating: +7   

Comments

championat.asia
< show latest news
Яндекс.Метрика